Ілюстрацыйнае фота Hrodna.life
Яшчэ да з’яўлення публічнай інфармацыі аб прызнанні партала s13.ru экстрэмісцкім у гарадскіх чатах пачалі папярэджваць аб адказнасці. У чатах гродзенскіх школ і гімназій пагражаюць пастаноўкай дзіцяці на сацыяльна небяспечнае становішча — калі бацькоў прыцягнуць за распаўсюд экстрэмісцкіх матэрыялаў.
У чатах з’явілася паведамленне, у якім кажуць аб прызнанні экстрэмісцкімі матэрыяламі парталаў s13.ru і autogrodno.by.
Чытайце таксама: Улады патлумачылі, за што s13.ru прызналі «экстрэмісцкім»
Autogrodno.by ніяк не каментуе чуткі аб прызнанні яго экстрэмісцкім, рэгулярна абнаўляецца і не прысутнічае ў Рэспубліканскім спісе экстрэмісцкіх матэрыялаў. Праўда, s13.ru там таксама пакуль няма. Магчыма, спіс абновіцца ў панядзелак.
У чаце раяць адпісацца ад парталаў і прыбраць лайкі. Таксама паведамляецца, што ў выпадку прыцягнення па арт. 19.11 КаАП, школа або гімназія будуць праводзіць сацыяльнае расследаванне, па выніках якога дзіця могуць прызнаць змешчаным у сацыяльна небяспечным становішчы.
Партал s13.ru — адзін з самых буйных на гродзенскім медыярынку. Пасля выбараў 2020 года перастаў перадрукоўваць медыя, прызнаныя экстрэмісцкімі, і часам бяскрытычна рэпосціў праўладныя і дзяржаўныя тэксты. За двое сутак пасля прызнання экстрэмісцкімі матэрыяламі страціў дзясяткі тысяч падпісчыкаў у сацсетках. Уладальніка партала Сяргея Чабоцьку судзілі за распаўсюд экстрэмісцкіх матэрыялаў.
Чытайце таксама:
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…