Тры гады гродзенец Андрэй Блажэвіч працаваў над суднаходным праектам «Гарадзенскi ветразь» — ствараў паводле сярэднявечных чарцяжоў ладдзю. 28 чэрвеня 2019 ён прадставіў яе на Нёмане. Хлопец плануе пакідаць лодку ля падножжа замкаў, што дасць магчымасць гродзенцам і гасцям горада ажчуць паходны побыт варага-вандроўніка.
З ранняга дзяцінства Андрэй захапляецца гісторыяй. Мара пабудаваць уласны карабель не пакідала яго ніколі. Улетку 2016 года ён рашыўся рэалізаваць даўнюю ідэю і ўзяўся за будаўніцтва сярэднявечнай ладдзі, як у вікінгаў. Амаль увесь вольны час напрацягу двух гадоў Андрэй праводзіў у вёсцы пад Гродна, дзе працаваў над сваёй ідэяй. І ў выніку у 2018 годзе гродзенец рэалізаваў задуманае.
Андрэй — рэканструктар эпохі ранняга сярэднявечча. Лодку ён рабіў паводле чарцяжоў X стагоддзя, але самым складаным у праекце апынулася рэгістрацыя і захоўванне судна. Каб выйсці на Нёман, хлопцу прыйшлося выдаткаваць плойму часу і сродкаў.
«З баямі, але ўсё ж стартаваў. Не перадаць словамі, колькі прыйшлося наведаць кабінетаў і зрабіць званкоў, — распавядае Андрэй, — стараўся зрабіць у горадзе ўнікальны праект, а гэтая бюракратыя і нежаданне людзей ісці насустрач проста прымушае задумацца — а ці трэба гэта ўсё? Мой праект створаны, каб напоўніць жыццё новымі эмоцыямі, пазітывам, прыемнымі момантамі для тых, каму надакучыла аднастайнасць, хто імкнецца да новых уражанняў і любіць актыўны адпачынак. З дапамогай ладдзі можна будзе наблізіцца да таямнічага свету мінулага, на момант ажывіць гісторыю, адчуць сапраўдны дух старажытных часоў. Але не з сумных старонак падручнікаў і энцыклапедый, не з халодных недаступных музейных стэлажоў з экспанатамі, а з сапраўднай жывой гісторыі, якую можна ўбачыць, адчуць і дакрануцца».
Андрэй дадае, што на яго ладдзі гродзенцы змогуць адчуць паходны побыт варага. Прымерыць на сябе вопратку і зброю сярэднявечча, пачуць этнічную музыку, папрысутнічаць на невялікай пазнавальнай экскурсіі пра старажытны горад з экіпажам у касцюмах, а таксама сесці за вёслы.
Тэставы спуск ладдзі на Нёмане прайшоў у ліпені мінулага года. Тады Андрэй заўважыў недахопы свайго карабля і за год усё дарабіў. Зараз лодка выйшла з ветразем і маторам, які будзе дапамагаць судну хадзіць супраць плыні. У планах у Андрэя ў жніўні адправіцца на ладдзі ў Польшчу, на фестываль, які збярэ караблі з розных краін Еўропы. Там ён будзе прадстаўляць Беларусь.
Сачыць за праектам Андрэя, можна ў групе «Гарадзенскi ветразь» ва ВКонтакте. Плануецца, што яго ладдзя будзе стаяць на Нёмане ля гродзенскіх замкаў, але пакуль горад не прадаставіў яму гарантаванае месца на прычале.
У міжваенны час Гродна набыло незвычайную славу. Горад стаў месцам прыцягнення незвычайных турыстаў - тых,…
Ці хапае ў цэнтры Гродна прадуктовых крам? Спрэчкі наконт гэтага выклікала адкрыццё на перакрыжаванні Савецкай…
Прыбраныя ялінкі, свечкі, навагоднія вянкі і гірлянды, аксаміт, светлы ці цёмны фон на выбар. Гродзенскія…
Улады стварылі новую платформу “меркаванне.бел”. Яе пазіцыянуюць як анлайн-пляцоўку, на якой кожны зможа ў вольнай…
Калекцыя адзення гродзенкі Кацярыны Карлацяну дэбютавала гэтай восенню на Парыжскім тыдні моды. А пачыналася ўсё…
Гродзенец Раман Нагула амаль паўжыцця працуе з дрэвам. Школьнікам ён пачынаў з бейсбольных біт, а…