Агрэгатар паездак “Атлас” раіць пасажырам падрыхтавацца да таго, што ў бліжэйшыя дні “паездка зацягнецца мінімум на некалькі гадзін”. Найбольш напружаную абстаноўку фіксуюць на беларуска-польскай мяжы.
“Атлас” піша, што памер чэргаў залежыць ад накірунку. У перадвыхадныя дні аўтобусы на беларуска-літоўскай мяжы ідуць па графіку.
Згодна з маніторынгам “Атлас”, на польскім напрамку чаканне на мяжы складае каля 5—7 гадзін. Самыя доўгія чэргі на КПП “Брэст”, а вось праз “Бераставіцу” аўтобусы едуць крыху хутчэй.
Што насамрэч з чэргамі: маніторынг Дзяржпагранкамітэта
Згодна з маніторынгам Дзяржпагранкамітэта, днём чацвярга выезду з КПП “Брэст” чакала 13 аўтобусаў і яшчэ 130 легкавых аўто. У “Бераставіцы” чэргаў няма. У “Брузгах” 70 аўто чакалі выезду.
На літоўскім напрамку ў «Каменным Логу» 100 аўтамабіляў стаялі ў чарзе, аўтобусаў не было. У «Беняконях» – 70 аўто.
Пустыя аўтобусы ствараюць чэргі: што паведамляюць у прымежных чатах?
У тэматычных чатах пасажыры рэгулярна даюць справаздачу аб абстаноўцы на мяжы. Паводле ранішніх паведамленняў, на памежным пераходзе “Брэст—Цярэспаль” чэргі ствараюць пустыя аўтобусы – транспарт пад’язджае да шлагбаўма і становіцца там у чаканні пасажыраў.
Таксама пасажыры дадаюць, што пасля праходжання беларускага пашпартнага кантролю некаторы час даводзіцца стаяць у чаканні, калі транспарт пусцяць на тэрыторыю Польшчы.
Паводле апошніх паведамленняў у чаце «Брузгі-Кузніца», сярэдняе чаканне праходжання мяжы займае каля трох гадзін.
У чаце таксама цікавяцца, чаму “Атлас” другі дзень запар пераносіць рэйсы Варшава-Гродна. У адказ карыстальнікі мяркуюць, што рэйсы аб’ядноўваюць паміж сабой, каб не адпраўляць аўтобусы паўпустымі.
У чатах, прысвечаных літоўскаму напрамку, паведамленняў менш. Адзначаюць, што па кірунку «Каменны Лог-Мядзінінкай» шлагбаўм пусты.
У «Беняконі» у адной з беларусак сышло 6,5 гадзін на праходжанне мяжы. Раніцай чацвярга ў чарзе стаяў адзін аўтобус і некалькі машын на малдаўскіх нумарах.
Чытайце таксама: З рэтра-аўтамабілямі і хэдлайнерам з Расіі. Як у Гродне адзначаць 3 ліпеня – Дзень Рэспублікі?
