Затрыманне студэнта. Скрыншот Hrodna.life
На тыдні ў адной са школ Ваўкавыска плануюцца праверкі тэлефонаў навучэнцаў. Заўзятара затрымалі праз данос суседзяў на мерапрыемстве. Шасцярых жыхароў Навагрудка падазраюць у экстрэмізме. Рэдакцыя Hrodna.life вывучыла, што адбылося ў вобласці з 11 па 17 лістапада.
Беларус прыйшоў на спартовае мерапрыемства — якое, сілавікі не ўдакладнілі. У нейкі момант ён адкрыў свой тэлефон. На яго застаўку паглядзелі гледачы, якія знаходзяцца побач. Верагодна, яны данеслі на яго сілавікам, паведамляе Telegram-канал «Право имеют».
Мужчыну затрымалі. Па версіі Telegram-канала, змесціва тэлефона «пацягнула» на адміністратыўку і крыміналку.
У Ваўкавыску яшчэ 13 лістапада быў затрыманы Аляксандр Сезень. У яго кватэры на вул. Гарбатава правялі ператрус. У мужчыны ёсць праблемы са здароўем — ён трапіў у бальніцу. Што яму збіраюцца інкрымінаваць, пакуль невядома, паведамляе «Гарадзенская праваабарона». Аляксандр Сезень неаднаразова затрымліваўся да 2020 года.
Крыніцы «Белсату» паведамляюць, што прынамсі шасцёра чалавек сярод тых, каго сілавікі затрымалі 15 дзён таму, не выйшлі пасля адбыцця адміністрацыйнага арышту.
За кратамі застаюцца муж і жонка Аляксандр і Ірына Лебедзі, Таццяна Палубок і яшчэ трое, прозвішчы якіх пакуль не называюцца.
Вядома, што супрацоўнікі ГУБАЗіКа расследуюць справу ў дачыненні да людзей, якія нібыта былі датычныя да Telegram-чату «Партызаны Наваградка». Супраць іх заведзеныя крымінальныя справы паводле артыкула экстрэмізм. З усіх, каго дапытвалі па справе, бяруць падпіску аб неразгалошванні.
Навумовіч Уладзімір Леанідавіч 16 лістапада папоўніў спіс «экстрэмістаў».
На мінулым тыдні Рэспубліканскі спіс экстрэмісцкіх матэрыялаў папоўнілі:
Чалавек, падобны да яго, з’явіўся ў акаўнце аднаго з гродзенскіх блогераў. Удакладнілі, што Руслан выйшаў раней за тэрмін — магчыма, пасля нядаўняга памілавання, паведамляе Telegram-канал «Право имеют».
Руслан Аляксандравіч Садоўнічы — школьны настаўнік геаграфіі. У 2020 годзе быў ва ўчастковай камісіі на прэзідэнцкіх выбарах, адмовіўся ставіць свой подпіс у пратаколе. Ён мае інваліднасць па зроку.
За абразу прадстаўніка ўлады, распальванне варожасці і гвалт у дачыненні да службовай асобы яго асудзілі да 3,5 гадоў калоніі. У студзені 2023 года на яго завялі новую крымінальную справу — за абразу прадстаўніка ўлады і гвалт у дачыненні да сілавіка.
Па арт.19.11 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць» судзілі жыхароў Гродна, Ваўкавыска, Навагрудка, Ліды, Зэльвы.
На тыдні ў адной са школ Ваўкавыска плануюцца праверкі тэлефонаў навучэнцаў. Telegram-канал «Суды, задержания. Гродно и область» рэкамендуе быць уважлівымі да змесціва на прыладах і абмеркаваць гэтае пытанне з дзецьмі загадзя.
14 лістапада ў Гродзенскай вобласці прайшлі затрыманні. У іх удзельнічалі супрацоўнікі КДБ, паведамляе Telegram-канал «Суды, задержания. Гродно и область».
У Ваўкавыску на вул. Жолудзева знік чырвона-зялёны сцяг з аднаго з дамоў. Работнікі ЖКГ заўважылі гэта і звярнуліся ў міліцыю. Аказалася, студэнт зрэзаў яго і схаваў у шафе.
Самы распаўсюджаны артыкул, які ўжываюць да работнікаў «Гродна Азот», — арт.19.11 КаАП за распаўсюд экстрэмісцкіх матэрыялаў. Пра гэта распавяла вядучы спецыяліст па інфармацыйна-ідэалагічнай рабоце аддзела ідэалагічнай работы ААТ «Гродна Азот» Таццяна Куратнік.
На Аўгустоўскім канале з'явіцца новы турыстычны комплекс з зонай для актыўнага адпачынку. Праект рэалізуюць у…
Штогод беларускі суд разглядае больш за 30 тысяч спраў, прысвечаных разводам. Іскі задавальняюцца ў 99,6%…
У Гродне прадаюць саляную пячору «Брыз». За сем гадоў існавання яна так і засталася адзінай…
У Гродне пачаў працу мясны рэстаран MARMO на Маставой, 31. Акрамя класічных стэйкаў, тартараў і…
Святочныя акцыі ў горадзе пачнуцца ўжо з сярэдзіны снежня. Запланаваны флэшмоб з бенгальскімі агнямі, запальванне…
36-гадовая Кацярына Котава год таму пахавала бацьку, які памёр ад раку. Яна даведалася, што ў…