12 кастрычніка камета C/2023 A3 (Tsuchinshan-ATLAS) наблізілася да зямлі — яе можна было ўбачыць няўзброеным вокам. Гродзенец змог сфатаграфаваць яе і апублікаваў у Instagram-акаўнце «one.day.hero».
«Камета C/2023 A3 (Цзыцзіньшань — ATLAS). 12 кастрычніка было максімальнае збліжэнне з Зямлёй (каля 50 млн км). Ёсць шанец, што праз пару дзён будзе бачная лепш на больш цёмным небе. Фота — 63 мін пасля заходу сонца», — падпісаў гродзенец фатаграфію.
Апошні раз камета праходзіла побач з зямлёй каля 80 тысяч гадоў таму — пры неандэртальцах. І праз столькі ж яе можна будзе ўбачыць зноў.
Чытайце таксама: Гродзенец зняў метэорны паток Персеіды. Паглядзіце, як гэта выглядае
