Права арэнды ўчастка на вуліцы Савецкіх пагранічнікаў прадалі з аўкцыёну 12 красавіка 2022 года. Там павінны пабудаваць кропку грамадскага харчавання. Пакупнік прадставіцца адмовіўся, паведаміў «Вечерний Гродно».
Мужчына сказаў толькі, што немясцовы і плануе пабудаваць што-небудзь на ўчастку хутка.
Участак плошчай 0,13 гектараў размяшчаецца ў раёне дома № 24 на вул. Савецкіх пагранічнікаў. Паводле ўмоваў аўкцыёна права арэнды ўчастка даецца на 50 гадоў.
Пачатковая цана складала 36,2 тыс. рублёў. У таргах удзельнічалі два чалавекі. Права арэнды прадалі за 39,9 тыс. рублёў. Новы ўладальнік павінен таксама кампенсаваць выдаткі Гродзенскай гарадской ЖКГ за знос тратуара, дрэваў і вулічных ліхтароў. ЖКГ ацаніла гэта ў 15,2 тыс. рублёў.
На ўчастку павінны пабудаваць кафэ альбо рэстарацыю. Будынак не павінен быць вышэй за 10 метраў.
У савецкія часы гэта месца было цэнтра жыцця занёманскай часткі горада. У народзе яго называлі «П'яны кут», так як тут былі кропкі па продажу піва і водкі.
«Сваю назву „П'яны кут“ атрымаў заслужана. Тут месціліся ўсе занёманскія шапікі пад назвай „піва-воды“. Былі яны ўбогія — аднапакаёвая халупа, перагароджаная дошкай прылаўка, першыя гады з газавым асвятленнем. Піва было ў большасці з іх, вод не было наогул, а вось гарэлка на разліў - у кожным», — распавядаў Hrodna.life гродзенскі старажыл Аляксандр Пятроў.
Чытайце таксама: Минский бизнесмен приобрел участок у Пышков за 25 000 рублей: там появится бизнес-центр или ресторан
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…