Выстава «Жыве Беларусь» мастачкі Валянціны Шобы
Экспазыцыю ў белым і чырвоным колерах адкрылі ў горадзенскім Цэнтры гарадзкога жыцьця 10 сьнежня. Аўтарка выставы — мастачка Валянціна Шоба, піша С**бода.
Выставу зладзілі ў межах праекту «Культпратэст-2020».
«Мы сабе дазволілі чырвоны даць па белым. Гэта свабода. Мы пакуль спрабуем быць свабоднымі… Чырвонае на белым — гэта прыгожа. Чырвоны на белым — гэта наш колер. Белага больш, чырвоны пасярэдзіне», — зрабіла ўступ да выставы арганізатарка Ірына Варкулевіч.
Першая і асноўная карціна выставы — «Улада цемры». Яе мастачка напісала 5 гадоў таму, калі ішла вайна ва Ўкраіне. З гэтай карцінай яна выграла прэстыжную францускую прэмію Тэйлара ў Парыжы ў 2015 годзе.
«Вайна — гэта заўжды вайна. А мы на вайне, як бы нам ні не хацелася быць на ёй. Гэта праца пра тое, што за лёзунгамі „За свабоду!“, „За веру!“ вельмі прыкольна разьвязаць вайну», — расказала Валянціна Шоба.
Астатнія творы яна стварала ў адпаведнасьці з гэтым першым.
«Чырвонае — жывое. Яно павінна жыць і перамагчы… Гэта такое глыбіннае ўсё. Я ж умею заваражыць… Мы ж усё роўна пераможам. Мы нікуды не падзенемся. Бо гэта немагчыма, каб супраць прыроды, унутранай чысьціні нашай нацыі і нашых людзей… Недарма мы беларусы, бо мы чыстыя, мы сьветлыя людзі. З прыродай нельга жартаваць. Такое стаўленьне да чалавека — супраць любой прыроды. Чалавек не народжаны, каб зьдзекавацца адно з аднаго, забіваць. Мы народжаныя для радасьці», — кажа Валянціна Шоба.
Выстава будзе працаваць цягам сьнежня.
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…