Дасведчаная кантрабандыстка прыцягнула да справы 5-гадовы дачку, каб тая хавала кантрабанду ў недаступных для дарослых месцах аўтамабіля, піша euroby.info.
Супраць машыны жанчыны з дзіцём інспектары ўжылі усё сваё ўменне і рэнтген-сканар. І недарма. Бамперы, парогі, паражніны пад каробкай перадач былі пераабсталяваны, каб схаваць туды кантрабанду цыгарэтаў з Беларусі.
Для дагляду аўтамабіля была нагода, жанчына знаходзілася на асаблівым ўліку ў літоўскіх мытнікаў. Яна гэта ведала, таму да «штурму мяжы» добра падрыхтавалася:
Прадбачлівая беларуска ва ўсе тайнікі з цыгарэтамі напхала смярдзючых ануч з рэзкім пахам, каб увесці ў зман службовых сабак.
Многія штучна зробленыя паражніны ў машыне аказаліся пустымі. Падкаваная юрыдычна жанчына, каб не быць прыцягнутай па крымінальным артыкуле, везла кантрабанду сабе роўна на адміністрацыйны пратакол.
Пяцігадовае дзіця было не проста пасажырам або маскіроўкай, а саўдзельнікам кантрабанды. Рэнтген-сканер вызначыў наяўнасць цыгарэт у такіх вузкіх месцах машыны, куды ні рука дарослага чалавека, ні прыстасаванні пралезці не могуць. Затое маленькая ручка дзіцяці - лёгка. Мытня мяркуе, што дзіця па ўказанні маці хавала цыгарэты ў машыну, а ў Літве мусіла дапамагчы маці дастаць гэты тавар.
Будынак былой камендатуры (палац Чацвярцінскіх) у парку Жылібера набыў канчатковыя рысы пасля абнаўлення. Праўда, новы…
Гродзенцы скардзяцца, што пракаціцца на веласіпедзе ці роліках па веладарожцы ў Пышках праблематычна. Прычына ў…
Гродзенка Вікторыя паскардзілася ў Threads, што запісацца на прыём да мясцовых артадонтаў амаль немагчыма. Пра…
Сілавікі прыйшлі да маці журналіста і блогера Валерыя Руселіка ўвечары 9 красавіка. Яны былі ў…
Валянцін Байко, намеснік дырэктара па развіцці «Контэ Спа», і яго брат, Дзмітрый Байко, намеснік дырэктара…
Grodno Coffee Festival пройдзе ў Гродне з 15 па 29 красавіка. У фестывалі возьмуць удзел…