З 19 верасня ў стыхійным парадку адмянілі заняткі ў дзіцячым пакоі «Алые паруса» па вуліцы Рэпіна. Прычынай стаў аварыйны стан будынка, дзе размяшчаюцца гурткі дадатковай адукацыі. Бацькі б’юць трывогу: каля 300 падапечных могуць застацца без сваіх захапленняў. Кіраўнікі цэнтра і адміністрацыя Кастрычніцкага раёна запэўнівае, што пра дзяцей не забудуць і перавядуць іх у іншыя месцы.
Дзіцячы пакой «Алые паруса» займае будынак былой карчмы канца 18 стагоддзя на тэрыторыі былой каралеўскай рэзідэнцыі Аўгустова. У міжваенны перыяд будынак быў жылым. Зараз ён стаіць пасярод спальнага раёну.
Да нядаўняга часу там працаваў дзіцячы пакой, што будзе ў будучыні пакуль невядома. Будынак знаходзіцца на балансе УЖРЭП Кастрычніцкага раёна.
Увечары 19 верасня каля старога будынка прайшоў сход бацькоў, кіраўніцтва цэнтра і прадстаўнікоў Адміністрацыі Кастрычніцкага раёна. Кіраўніцтва адзначыла, што будынак дзіцячага пакоя ніхто не адбірае ў дзяцей, а закрываецца ён на рамонт. Але бацькі абураліся лёсам аб’екта і дзяцей, якія засталіся нечакана без сваіх захапленняў. Кіраўніцтва цэнтра «Прамень», куды адносіцца дзіцячы пакой, кажа, што дзяцей у максімальна хуткім часе расфармуюць па школах і ў бліжэйшы цэнтр творчасці.
«Будынак, дзе месціцца пакой „Алые паруса“, знаходзіцца ў аварыйным стане, — распавядае дырэктарка „Праменя“ Юлія Анісімава. — Гэта помнік архітэктуры 1782 года пабудовы і ў нас няма грошай рамантаваць яго. Там абсыпаецца тынкоўка і ляцяць камяні з фасада. Усё гэта пагражае жыццю і бяспецы дзяцей. Каб нiчога не здарылася, мы прынялі рашэнне перанесці гурткі на базы бліжэйшых школ і часткова нешта забіраем да сябе ў „Прамень“. Ніхто не кажа пра закрыццё гурткоў, навучальны працэс будзе працягвацца».«Будынак на Рэпіна мы проста не выцягнем, у будучыні пабудова застанецца на балансе УЖРЭП і магчыма там зробяць музей. Але для нас галоўнае, каб дзеці былі ў бяспецы. Так, бацькі баяцца, што дзеці застануцца без заняткаў, але ніхто гэтага не дапусціць. Мы зацікаўлены ў працоўных месцах і ў тым, каб дзеці атрымлівалі дадатковую адукацыю. У будучыні будзем разлічваць на горад і падшукваць пад «Алые паруса» новае памяшканне «, — дадала Юлія Анісімава.
Бацькі, чые дзеці наведваюць «Алые паруса», баяцца, што будынак забіраюць па іншай прычыне і ў будучыні там можа адкрыцца якая-небудзь гасцініца або кафэ. Адміністрацыя выключае такі варыянт і абяцае ўрэгуляваць пытанні з падлеткавым пакоем да канца тыдня.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…