Фрагмент батанічнага саду ў парку Жылібера пачнуць рэгулярна паліваць, а шэфства над пасадкамі возьме школа № 8. Пасяджэнне па тэме развіцця саду прайшло ў Гродзенскім гарвыканкаме 2 чэрвеня. Нагодай сустрэцца было тое, што садам, фактычна, ніхто не займаецца, хоць казалі і пісалі на гэтую тэму шмат.
На сустрэчы прысутнічалі прадстаўнікі гарадскіх службаў і актывісты Галіна Белабокая і Алена Мiшэнева, якія асабіста на працягу многіх гадоў мелі зносіны з краязнаўцам Наталляй Канюк, якая займалася адраджэннем батанічнага сада ў Гродне.
[irp posts="8697″ name="Памерла гродзенская краязнаўца Наталля Канюк"]
«На сустрэчы вырашаліся пытанні па сістэматычным даглядзе за пасадкамі гэтай частцы парку Жылібера. Яны дагэтуль вырашаныя не былі, хоць пра гэта ідзе гаворка ўжо некалькі гадоў», — кажа Алена Мiшэнева. Яна звяртае ўвагу, што дрэвы не палівалі сістэматычна: гараджане самі прыходзілі з вёдрамі, часам бралі ваду з ракі. На сустрэчы вырашылі, што «Гроднаводаканал» зробіць урэзку ў трубе сістэмы гарадскога водазабеспячэння і арганізуе доступ да вады для сада.
Таксама на сустрэчы стала вядома, што будзе заключаны дагавор з сярэдняй школай № 8, якая прапанавала шэфства над пасадкамі. У дамове будуць прапісаны мерапрыемствы па даглядзе за раслінамі, правядзенне экскурсій i арганізацыя летняй практыкі.
«Мы спадзяемся, што справа Наталлі Канюк будзе працягнута і далей батанічны сад будзе развівацца з дапамогай гараджан, прадпрыемстваў, усіх зацікаўленых у тым, каб горад быў прыгожы. Трэба пераходзіць ад словаў да справы, і тады будзе вынік», — дадала Алена Мiшэнева.
[irp posts="18 341″ name="Працягнуць справу бабулі: унук Наталлі Канюк з многімi гродзенцамі папоўніў батанічны сад новымі раслінамі"]
Зараз у старой частцы парку Жылібера, на тэрыторыі батанічнага саду, ідзе інвентарызацыя раслін. Па стане на 27 красавіка 2016 года толькі Наталляй Канюк тут было высаджана 95 дрэў і хмызнякоў. Сёння з-за адсутнасці паліву і крадзяжоў іх значна менш. Дакладную колькасць пасадак, якія захаваліся, спецыялiсты агучаць неўзабаве.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…