Перадапошні матч рэгулярнага чэмпіянату Беларусі па хакеі скончыўся ў Гродне перамогай “Нёмана”. Каманда Сяргея Пушкова ўзяла верх над хакеістамі “Гомеля”. Але чарговыя заробленыя тры ачкі ўжо не дапамогуць ім змясціць “Юнацтва” з першага месца. Мінская каманда за матч да плэй-оф забяспечыла сабе перамогу ў чэмпіянаце.
Гульня з “Гомелем” у “Нёмана” прайшла ў роўнай барацьбе, але адзіны дакладны кідок, які запісаў на свой рахунак Аляксандр Маляўка ў другім перыядзе, сыграў галоўную ролю ў матчы.
“Нёман” – “Гомель” 1:0 (0:0, 1:0, 0:0)
Ужо вядома дакладна, што ў плэй-оф гродзенцы сустрэнуцца са сваімі абласнымі суседзямi ХК “Ліда”. Матчы плэй-оф пачнуцца 25 лютага.
А сваю апошнюю гульню ў рэгулярным чэмпіянаце каманда Сяргея Пушкова правядзе ў Гродне, дзе будзе прымаць “Металург”. Матч пройдзе ў аўторак 21 лютага.
