Жыхары мікрараёна, каб патрапіць у аптэку або банк, вымушаныя дабірацца да Паўднёвага і Альшанкі. Яны хочуць гэта змяніць.
Большасць жыхароў былога пасёлка «Фабрычны» — пенсіянеры і маладыя бацькі. Льготы для іх ёсць толькі ў дзяржаўных аптэках. Але аптэкі ў мікрараёне няма: да бліжэйшай дзяржаўнай — 1,9 км. У два бакі - амаль 4 км. Для пажылых людзей гэта шмат.
«У нас жывуць пенсіянеры, якія з цяжкасцю да крамы даходзяць, — тлумачыць мясцовая актывістка Наталля. — А пра аптэку і гаворкі не ідзе! Даводзіцца ўвесь час прасіць суседзяў. Шмат сем’яў з дзецьмі. Як маці купіць лекі, калі муж, да прыкладу, на працы? Што, кінуць дзяцей дома і гадзіну на Агінскага тупаць або цягнуць хворае дзіця з тэмпературай з сабой?»
У «Фабрычным» жыве каля 150 пенсіянераў. 85 з іх атрымліваюць пенсію на мясцовай пошце, якую нядаўна хацелі закрыць. Астатнім пералічваюць грошы на картку.
Да бліжэйшага банкамата або аддзялення банка — 2,4 км у адзін бок ці амаль 5 км туды-назад.
«Мы тэлефанавалі шмат разоў, прасілі, усё без толку, — працягвае Наталля. — Зараз звярнуліся да грамадзянскай ініцыятывы «Гародня» і Аляксандр Лаўрэнцьеў узяўся нам дапамагчы. Разам напісалі зварот, цяпер подпісы збіраем. Суседзі радыя, што справа нарэшце зрушыцца з мёртвай кропкі.
Адсутнасць аптэкі і банкамата — не адзіная праблема жыхароў мікрараёна. З пачатку вясны пачалі хадзіць чуткі, што закрыюць пошту. Аддзяленне павінна было зачыніцца з-за падаражэння арэнды ў будынку былога Дома Культуры птушкафабрыкі.
«Фабрычныя» актывісты змаглі дамовіцца з прадстаўнікамі адміністрацыі: паштовае аддзяленне пераносяць у будынак крамы «Родны кут».
«Мы вельмі задаволеныя такім рашэннем, — наперабой тлумачаць прадаўцы. — У нас амаль 150 квадратных метраў гандлёвай плошчы. Па правілах мы павінны былі нагандляваць на 8000 рублёў у месяц, але раён маленькі і гэта амаль ніколі не ўдавалася. Таму і заробкі былі нізкія. Зараз залу зрэзалі амаль на палову, адпаведна і норму таксама. Зарплата будзе вышэй! На асартыменце гэта ніяк не адаб’ецца».
Мясцовыя жыхары згодныя з такім кампрамісам. У той частцы будынка, дзе будзе пошта, яны просяць паставіць «невялікі аптэчны кіёск» з прэпаратамі першай неабходнасці.
Актывісты спадзяюцца, што гарадская адміністрацыя і ў гэтым выпадку іх пачуе.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…