Таўро выявілі на лісце жалеза, якім перакрывалі дах так званага Дома лясной адміністрацыі ў пачатку XX стагоддзя. Такім жа матэрыялам быў пакрыты і дах сабора Нотр-Дам-дэ-Пары.
На метале рабочыя выявілі таўро: «Лысьвенская горная акруга, завод графа Шувалава». Пазней аказалася, што там ёсць яшчэ адна выява: «Сусветная парыжская выстава. Вышэйшая ўзнагарода. Залаты медаль, 1900».
У XIX і пачатку XX стагоддзяў ліставае жалеза з міфічным аднарогам, фірменнай пячаткай Шувалава, было вельмі папулярна на сусветным рынку. Яно ішло на экспарт і, па некаторых дадзеных,
з яго рабілі дах Сабора Парыжскай Божай Маці і парламента Вялікабрытаніі. Каркас амерыканскай Статуі Свабоды таксама зроблены з уральскага металу.
Завод графа Шувалава — быў адным з вядучых прамысловых прадпрыемстваў індустрыяльнага Урала дарэвалюцыйнай Расіі.
Метал з таўром з Дома лясной адміністрацыі ў будучыні папоўніць музей, які адкрыецца ў гэтым жа будынку. Яго рэканструкцыю плануюць завяршыць да фестывалю нацыянальных культур, які запланаваны на пачатак чэрвеня 2020. Музей лясной гаспадаркі плануецца адкрыць на першым паверсе. Другі і трэці паверхі зойме адміністрацыя Гродзенскага лясніцтва.
Будынак па адрасе пл. Тызенгаўза, 4Б будаваўся ў 1770-я гг. у стылі барока паводле праекту архітэктара Мёзера. Магчыма, у 1775−1780 тут працавала акушэрская школа. У 1899−1915 будынак уваходзіў у комплекс акруговай бальніцы. Пасля Другой сусветнай вайны будынак быў жылым. У горадзе традыцыйна называюць яго Домам лясной адміністрацыі.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…