Менш за суткі правёў бадзяжны сабака ў адлоўнiку САГа, перад тым як яго ўсыпілі. Супрацоўнікі патлумачылі свой учынак неабходнасцю: з жывёлай справіцца яны немаглі.
Аднаго з сабак дзікай зграі, якая тэрарызуе ўскраіну горада, удалося злавіць пенсіянеру Івану Каленіку, якому бадзяжныя жывёлы задушылі коз. Здзічэлага сабаку гродзенец перадаў супрацоўнікам САГу, тыя ж паабяцалі завезці жывёлу ў адлоўнiк і пасадзіць у вальер. Абяцанне супрацоўнікі выканалі. Але, як высветлілася, жывёла паводзіла сябе ў вальеры вельмі агрэсіўна і справіцца з ёй не маглі нават некалькі супрацоўнікаў.
«Сабака ноч правёў у вальеры. Раніцай калі прыйшоў ветэрытар, было прынята рашэнне жывёлiну ўсыпіць, бо яна была вельмі агрэсіўнай, — расказвае майстар ўчастка САГу па ўтрыманні і адлове безнаглядных жывёл Алег Алешка. — Да сабакі ў вальеры было немагчыма падысці і абслужыць, толькі з дапамогай рэлаксантаў жывёліну ўдалося супакоіць. Я думаю, сабака проста здзічэў у такіх умовах, у якіх ён знаходзіўся, хоць сам выглядаў нядрэнна.
Што да іншых бадзяжных сабак, то будзем іх адлоўліваць. Нашы магчымасці вельмі абмежаваныя: петлі, cачкі. Адстрэл безнаглядных жывёл у нас забаронены, і магчымы толькі ў крайніх выпадках».
Валанцёры, якія ў Гродне выступаюць у абарону безнаглядных жывёл, занепакоеныя гэтым выпадкам і не хочуць, каб у будучыні тое ж адбылося і з іншымі жывёламі, якія трапяць у адлоўнiк САГу.
«У дадзеным выпадку незразумелыя дзеянні супрацоўнікаў САГу. У выпадку, калі сабака выяўляла агрэсію і ўкусіла чалавека — сабаку неабходна было ізаляваць і вытрымаць каранцін у 10 сутак, каб высветліць ці хворая яна на шаленства, — распавядае старшыня гродзенскага грамадскага аб’яднання абароны жывёл „След жыцця“ Дар’я Рашэтнікава. — Бессэнсоўныя смерці жывёл у нас будуць паўтарацца зноў і зноў, пакуль мы не пачнем змагацца з прычынай узнікнення такіх сітуацый — адсутнасцю чыпіравання і пакарання за выкіданне жывёлы».
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Праз дарогу ад гандлёва-забаўляльнага цэнтра Triniti на праспекце Янкі Купалы прадаюць трохпакаёўку ў новым доме.…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…