Чатырохметровую выяву князя Вітаўта на трансфарматарнай будцы на вуліцы Пушкіна з 6 лістапада пачнуць аднаўляць мясцовыя мастакі. За аднаўленне працы адказвае прадпрыемства «Гроднаводаканал».
Графіці намаляваў у 2014 годзе мастак Вячаслаў Силен (Silen) у рамках стрыт-арт-акцыі «Must Act — Must Art».
Праблемы з малюнкам пачаліся ў 2015 годзе. Вітаўта закідалі фарбай, некаторыя часткі сталі адвальвацца. Аўтар графіці быў расчараваны ўбачаным і адзначаў, што карціну яшчэ можна выратаваць.
— Крыўдна, што працу, на якую аддаў столькі часу і сіл, хтосьці спецыяльна псуе або зафарбоўвае, — казаў у 2015 годзе Вячаслаў. — Хочацца, каб яна праіснавала даўжэй, цешачы людзей. У сваёй працы я рабіў прывязку да горада, каб людзі не забывалі, у якім значным горадзе яны жывуць. Мэта — паказаць, што ў нас была свая гісторыя, вялікія дзеячы і кіраўнікі. Калі я маляваў, людзі цікавіліся, што я хачу адлюстраваць. Многія, асабліва старэйшае пакаленне, нават не ведалі, хто такі Вітаўт і навошта яго маляваць у Гродне.
Сваю працу Вячаслаў планаваў рабіць на фасадзе вышынёй не менш за два паверхі, але з-за нежадання мясцовых уладаў прыйшлося маляваць на будцы.
У 2019 годзе гарадскія службы вырашылі адрэстаўраваць малюнак. 5 лістапада супрацоўнікі «Гроднаводаканала» замалявалі расколіны ў малюнку і падрыхтавалі яго для мастакоў. З 6 лістапада пачнуцца аднаўленчыя работы.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю?» Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…