Дзіўная справа: Гродна — горад з надзвычай багатай гісторыяй, але мноства вуліц названыя ў гонар нейкіх выпадковых асоб, якія да нас не маюць ніякага дачынення. Гістарычныя назвы носяць толькі лічаныя вуліцы: Маставая, Вялікая Траецкая, Падольная, Калючынская, Замкавая. Побач з імі няўцямныя Тэльмана, Урыцкага, Кірава. Давайце гэта зменім!
Не сакрэт, што ў Гродне на перайменаванні вуліц накладзена табу — мясцовыя ўлады прынцыпова не збіраюцца гэтым займацца. Але ёсць кампрамісны варыянт: усталяваць шыльды з гістарычнымі назвамі вуліц без змены іх сённяшняй назвы. Так зрабілі ў Мінску, Магілёве, Клецку, Міры, Баранавічах і нават у пасёлку Халапенічы (гэта дзе наогул?).
Указанне ранейшых тапонімаў ў гарадской прасторы стане важным крокам для аднаўлення гістарычнага атмасферы ў горадзе і пазітыўна адаб’ецца на турыстычным патэнцыяле горада: гэта будзе цікава не толькі гараджанам, але і турыстам.
[irp posts="510″ name="Чым Гродна горшы за Мінск? Студэнт ГрДУ прапануе павесіць шыльды са старымі назвамі вуліц"]
Мы прапануем усталяваць стэнды ці шыльды з гістарычнымі тапонімамі, выкананыя з антывандальных матэрыялаў, прыдатныя для вулічных умоў на пачатку і на канцы вуліц у гістарычным цэнтры Гродна.
Для гэтага рэдакцыя Hrodna.life склала зварот у Гродзенскі гарвыканкам, які мы дашлем праз два тыдні. Цягам гэтых 14 дзён мы будзем збіраць пад ім вашыя подпісы праз платформу «Зручны горад» (petitions.by). Чым больш вашых подпісаў, тым салідней і значней будзе выглядаць наш зварот. Пакажыце, што вам не абыякава! Падпішыце і падзяліцеся спасылкай з сябрамі! Зробім горад лепшым разам!
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…