1 мая Гродна стаў стартам велапрабегу для групы турыстаў з расійскага Калінінграда і польскага Ольштына. За пяць дзён велааматары хочуць праехаць каля 250 км і сплавіцца па Аўгустоўскім канале.
Група турыстаў складаецца з 14 чалавек. У Гродне гасцей сустракалі актывісты «ВелаГродна», якія правялі ім экскурсію па горадзе і суправадзілі на Аўгустоўскі канал.
Адной з арганізатарак расійска-польскага велапрабегу з’яўляецца культуролаг Марыя Жырава з Калінінграда.
«Некалькі месяцаў таму, я праводзіла лекцыю ў Калінінградскай бібліятэцы пра еўрапейскія каналы. Зацікавілася Аўгустоўскім і прапанавала знаёмым велааматарам з’ездзіць туды. Пазнаёміліся з актывістамі „ВелаГродна“ і ўжо тады вырашылі прыехаць паглядзець не толькі на канал, але і на беларускі горад Гродна. Многія тут упершыню. Частка групы з Калінінграда, іншая з Ольштына. Разам мы падарожнічаем па Нямеччыне, Літве і Польшчы», — распавяла Марыя Жырава.
Велааматары адзначылі, што хочуць пераадолець Аўгустоўскі канал, як на роварах, так і на байдарках. З Гродна турысты плануюць праехаць каля 250 км за 5 дзён. Канчатковая кропка расійскі горад Чарняхоўск у Калінінградскай вобласці.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…