Пасля двух гадоў прастою горад выставіў на аўкцыён комплекс будынкаў былога скурвендыспансера на вуліцы Васілька. Яго можна будзе купіць ужо ў сакавіку.
Уласнікам комплексу з’яўляецца Гродзенскі абласны скурна-венералагічны дыспансер. Усе аб’екты (№ 10, № 10/1 — № 10/5) выставілі на аўкцыён адным лотам і ацанілі амаль у 1,4 млн рублёў. Таргі пройдуць 26 сакавіка.
Комплекс на Васілька ўпершыню выстаўляецца на таргі. У 2018 годзе дабрачынная арганізацыя «Карытас» хацела атрымаць будынка на Васілька бясплатна і адкрыць там пансіянат для састарэлых. Арганізацыя пачала перамовы з адміністрацыяй горада і інвестарамі, але апошняе слова было за прэзідэнтам. У выніку дамовіцца не здолелі.
Четыре дома в Новом свете выставлены на аукцион. Что там может появиться?
Вядомы калекцыянер паштовак з відамі Гродна Фелікс Варашыльскі мае непасрэднае дачыненне да дамоў на Васілька.
Домам № 10 валодаў вядомы гродзенскі доктар Рыгор Варашыльскі. Фелікс — яго ўнук. Ён нарадзіўся ў 1949 годзе ў Польшчы, куды чатыры гады раней з’ехала яго сям’я. Фелікс пайшоў па слядах дзеда: атрымаў прафесію лекара, потым працягнуў вучобу ў Германіі, дзе жыве сёння.
Дом № 8 сёння аб’яднаны ў адзін будынак з домам № 10. У пачатку 20 стагоддзя таксама практыкаваў лекар — доктар Самуэль Хазан. У розны час тут знаходзіліся радзільны дом, дзіцячая бальніца, розныя аддзяленні абласной бальніцы, скурна-венералагічны дыспансер. У студзені 2018 года дыспансер пераехаў у будынак былой чыгуначнай бальніцы па вуліцы Будзёнага. Будынак на Васілька засталося пуставаць. Мы тады звязаліся з Феліксам Варашыльскім і даведаліся, ці гатовы ён купіць сямейны дом і як у будучыні можна было б яго выкарыстоўваць.
Фелікс, ці быў у вас калі-небудзь намер вярнуць сямейны дом? Бо ў Еўропе гэта распаўсюджаная практыка, але ў Беларусі такога няма.
— Гэта пытанне кшталту: «Як бы гэта было калі б?». Калі б жыццё ў Беларусі выглядала таксама, як у Еўропе, хто ведае? Калі б я пераязджаў у Гродна назаўжды, то я мог бы прадставіць гэты горад другім месцам для жыцця. Але я ніколі не жыў у доме на Васілька, таму ў мяне няма да яго блізкіх адносін. Але калі б я жыў у Гродне, мне б хацелася жыць у старой архітэктуры.
Як ставіцеся да таго, што дом будуць выстаўляць на аўкцыён? Купілі б яго?
— Мой дзядуля, які купіў гэты дом, ніколі не прадаваў яго, дык як я магу купіць сваю ўласнасць? Нават чыста тэарэтычна. [Пасля прыходу савецкай улады дом Варашыльскіх нацыяналізавалі, былы ўладальнік стаў галоўным урачом сваёй былой клінікі - рэд.]Што вы і вашы сваякі хацелі б у будучыні ўбачыць у доме на Васілька?
— Я думаю, было б добра, калі б дом быў адноўлены ў пачатковым выглядзе: вярнуць балконы, ганак і сад ззаду дома. Як на старых сямейных фотаздымках.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…