Травеньскія дажджы натхнілі рэдакцыю Нrodna.life на ідэю парасон-шэрынгу. Фірмовыя парасоны «Навіны без вады» на час непагоды можна ўзяць бясплатна і вярнуць у пункт пракату, калі скончыцца дождж. Парасон-шэрынг пачаў працаваць ад 28 траўня. Першымі кропкамі шэрынгу сталі «Наша кава» і «Справа». У кожнай кавярні ёсць па 4 парасоны. Для зручнасці карыстальнікаў можна ўзяць парасон у адной кавярні, а пасля вярнуць у другую.
«Нам вельмі падабаецца ідэя агульнага карыстання рэчамі, — кажа рэдактарка спецпраектаў Hrodna.life Ірына Новік. — Мы гатовы дзяліцца з гродзенцамі не толькі апошнімі навінамі без вады. Калі вы забылі парасон дома ці папросту не любіце насіць з сабою шмат рэчаў - нашы парасоны вас выручаць».
Летні дождж — добрая нагода зайсці ў кавярню і перачакаць непагоду за кубкам кавы. Калі ж залева зарадзіла надоўга, можна ўзяць парасон і пайсці па сваіх справах.
«Ідэя прышпільная і мы рады яе падтрымаць», — кажа заснавальнік кавярняў Дзмітрый Захарка.
Гэта не першы прыклад, калі супрацоўнікі яго кавярняў падтрымліваюць грамадскія ініцыятывы. Падчас эпідэміі каранавірусу яны разам з Цэнтрам гарадскога жыцця і вэб-студыяй «Іквадарт» арганізавалі дастаўку абедаў для валанцёраў, што шыюць камбінезоны і робяць ахоўныя шчыткі для медыкаў.
Чытайце таксама: «Урачы на перадавой, нам трэба іх абараніць». Як гродзенцы робяць для медыкаў ахоўныя экраны
Калі ваша фірма таксама хоча далучыцца да парасон-шэрынгу — напішыце нам. Разам мы зробім Гродна яшчэ больш сяброўскім да жыхароў і гасцей горада.
Hrodna.life: Мы любім Гродна і хочам, каб ён стаў горадам мары. Разам з чытачамі мы працуем, каб наблізіць рэальнасць да мараў. Парасон-шэрынг — яшчэ адзін крок у гэтым накірунку.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…