З пачатку жніўня гродзенскі мастак-рэстаўратар Аляксей Навумчык заняўся роспісам сцен у двары гандлёвага цэнтра ABC. Плануецца, што ў верасні праца будзе скончаная і там з’явіцца фотазона з відамі старога Гродна.
За аснову роспісу Аляксей узяў фатаграфіі Гродна пачатку XX стагоддзя. Гэта будзе першая публічная работа мастака. Да гэтага моманту работы Аляксея былі толькі ў прыватных калекцыях.
«Са мной звязаліся прадстаўнікі ABC і прапанавалі размаляваць сцены, я пагадзіўся, — кажа Аляксей. — Вырашылі зрабіць роспіс прысвечаны Гродна пачатку XX стагоддзя. За аснову ўзяў старыя здымкі цэнтра горада. Мы хочам паказаць, што страцілі за перыяд войнаў і разбурэнняў. Наша мэта — перадаць атмасферу старога горада».
У выніковым варыянце на сцяне можна будзе ўбачыць цэнтр Гродна пачатку XX стагоддзя з ратушай, Фарай Вітаўта (Сафійскім саборам) і іншымі пабудовамі, якіх ужо няма.
«У мяне вялікі аб’ём працы, думаю, на ўсё сыдзе каля месяца. Складанасць работы ў тым, што тут я займаюся не толькі роспісам, а яшчэ многімі іншымі рэчамі. Уся складанасць у памерах, з такім я працую ўпершыню», — дадаў мастак.
Побач з роспісам з’явяцца стэнды з інфармацыяй пра славутасці Гродна намаляваныя на сцяне.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…