Ровар і палівачка для душа. Што яшчэ знайшоў інспектар-кот у туалетах кавярняў Гродна

Па прапановах чытачоў Hrodna.life інспектар-кот агледзеў яшчэ тры кавярні горада — «Прафітроля», «Джэзва» і «Сofix». Зараз ён можа расказаць па сакрэце, дзе не хапае паперы, затое ёсць мыла і асвяжальнік паветра. Даведайцеся, ці атрымаў хтосьці брыльянтавы ёршык ў гэты раз.

«Пякарня ды кава „Прафітроля“» — інспектар-кот ацаніў ваў-эфект

«Прафітроля» (ул. Савецкая, 1) здзівіла інспектара-ката не толькі стыльным інтэр'ерам, але і афармленнем туалета. Проста на сцяне там размясціўся ровар. Наведвальнікам установы, безумоўна, будзе над чым задумацца або прынамсі здзівіцца. Асабліва тым, хто зайшоў у прыбіральню «Прафітролі» ўпершыню. Інспектар-кот таксама здзівіўся, але не забыўся пра свой рэйтынг.

Чытайце таксама: Рейтинг туалетов в гродненских кофейнях: как инспектор-кот присуждает «ёршики»

Вось што знайшоў і ацаніў інспектар-кот у туалетным пакоі кавярні «Прафітроля»:

• Папера — 1 ёршык;
• Мыла — 1 ёршык;
• Антысептык — 1 ёршык;
• Сушылка для рук (папера) — 1 ёршык;
• Сметніца — 1 ёршык;
• Ёршык — 1 ёршык;
• Пальчаткі і маскі — няма;
• Люстэрка — 1 дадатковы ёршык;
• Асвяжальнік паветра, араматычныя палачкі - няма;
• Расклад прыборкі туалетнага пакоя — адсутнічае.

У выніку пякарня «Прафітроля» атрымлівае 6 ёршыкаў і выходзіць на залаты ўзровень. Прыйшоў час для падліку дадатковых ёршыкаў.

Ва ўстановы ёсць адзін дадатковы ёршык за люстэрка. Плюс бонусны ёршык ад інспектара-ката за незвычайнае інтэр'ернае рашэнне. Але каб атрымаць найвышэйшы брыльянтавы ўзровень ёршыка, патрэбны хаця б яшчэ адзін дадатковы ёршык. Таму ўстанова застаецца з залатым ёршыкам, які несумненна паказвае высокі ўзровень (амаль як у палацы).

Інспектар-кот ідзе далей, але перадае важнае пасланне наведвальнікам «Пякарні ды кава Прафітроля» ў будучыню: «У сувязі з тым, што пякарня знаходзіцца ў гістарычным будынку, у нас стаіць прымусовая сістэма адводу вады з помпай. Пераканаўчая просьба паперу і гігіенічныя прыналежнасці выкідваць у сметнік, каб пазбегнуць паломкі помпы».

Кавярня «Джэзва» — «золата» і шанец на дадатковыя ёршыкі

Строга і проста — так можна ахарактарызаваць туалетны пакой у кавярні «Джэзва» на вул. Савецкай, 5. Нічога лішняга — усё па справе. Пры ўваходзе інспектара-ката збянтэжыла занадта мокрая падлога. Але гэта не перашкодзіла яму бесстаронне ацаніць усё ўбачанае па сваёй рэйтынгавай сістэме.

У выніку атрымалася так:

• Папера — 1 ёршык;
• Мыла — 1 ёршык;
• Антысептык — 1 ёршык;
• Сушылка для рук (папера) — 1 ёршык;
• Сметніца — 1 ёршык;
• Ёршык — 1 ёршык;
• Пальчаткі і маскі — няма;
• Люстэрка — 1 дадатковы ёршык;
• Асвяжальнік паветра, араматычныя палачкі - 1 дадатковы ёршык;
• Расклад прыборкі туалетнага пакоя — адсутнічае.

Установа атрымлівае два дадатковыя ёршыкі за асвяжальнік і люстэрка, але застаецца без бонуснага ад інспектара-ката — з-за адсутнасці раскладу прыборкі і масак з пальчаткамі. Вынік «Джэзвы» — таксама залаты ёршык.

Чытайце таксама: Известные и неизвестные туалеты Гродно: куда бежать в центре города, если захотелось справить нужду?

Кавярня «Сofix»: яшчэ крыху — і брыльянтавы ёршык ў вас у кішэні

Туалетны пакой гэтай кавярні - месца, дзе можна не толькі выпіць кавы, але і схадзіць у душ. Жарт. Першае, што прыцягвае ўвагу пры ўваходзе ў туалетную пакой — палівачка для душа ў дадатковай рукамыйніцы.

Вядома, інспектар-кот адразу зразумеў, што гэты душ выкарыстоўваецца для тэхнічных патрэб і забеспячэння чысціні ва ўстанове. Але, тым не менш, спачатку злёгку збянтэжыўся. А потым расклаў усё па палічках і ацаніў па ёршыках. Вось вынік яго працы:

• Папера — 1 ёршык;
• Мыла — 1 ёршык;
• Антысептык — 1 ёршык;
• Сушылка для рук (папера) — 1 ёршык;
• Сметніца — 1 ёршык;
• Ёршык — 1 ёршык;
• Пальчаткі і маскі — адсутнічаюць;
• Люстэрка — 1 дадатковы ёршык;
• Асвяжальнік паветра, араматычныя палачкі - 1 дадатковы ёршык;
• Расклад прыборкі туалетнага пакоя — 1 дадатковы ёршык.

Па асноўных параметрах установа выходзіць на залаты ўзровень. Але ёсць адно «але». У прыбіральні на момант наведвання не аказалася паперы ў сушылцы для рук.

Па дадатковых ёршыках кавярня атрымала тры ёршыкі і магла б выйсці на брыльянтавы ўзровень. Але пакуль інспектар-кот вырашыў пачакаць. У наступны рэйд ён зноў завітае ў гэтую кавярню, праверыць наяўнасць паперы і антысептыку. Калі ўсё будзе на месцы, установа атрымае заслужаны брыльянтавы ёршык.

Інспектар-кот зноў просіць падтрымкі

Інспектар-кот звяртаецца да чытачоў Hrodna.life па рэкамендацыі да наведвання месцаў. Пішыце ў Telegram-бот выдання (кантакт бота — ў апісанні нашага канала) назвы любых устаноў горада для трэцяга рэйду. Інспектар-кот праверыць, ацэніць і ўсё раскажа.

Чытайце таксама:

• Кофе в Гродно не для всех. Волонтеры в инвалидных колясках протестировали городской общепит на доступность
• В Старом замке откопали туалет XIX века. Можно ли его сохранить и зачем?
• Туалетный блогер из России показала самые крутые уборные Гродно