Біл Тонсi быў салдатам паўднёўцаў, самазваным палкоўнікам канфедэратаў, рабаўніком цягнікоў і банкаў ды доўгі час хаваўся ад уладаў. Але калі сустрэў мексіканскую бандытку Марту Акудамадэра, спыніўся. Маладыя вырашылі стварыць сям’ю і пачаць жыццё з чыстага ліста. Такі быў сцэнар вяселля ў гродзенцаў Васіля і Таццяны, якія 11 жніўня адсвяткавалі вяселле ў стылі Дзікага Захаду.
Маладая пара — аніматары, без якіх не праходзіць ніводнае свята ў горадзе. Госці на іх вяселле таксама прыйшлі ў касцюмах эпохі Дзікага Захаду. Госці - работнікі культуры, аніматары, сваякі і сябры.
«Нядаўна ў нашых сяброў было вяселле ў стылі постапакалiпсiсу, стымпанку і мы вырашылі працягнуць традыцыю — сваё вяселле зладзілі ў стылі Дзікага Захаду, — распавядаюць маладыя. — У нас не рэканструкцыя, а стылізацыя, так што госцi апраналіся як маглі. У многіх касцюмы атрымаліся вельмі цікавыя.
Чаму менавіта такое вяселле? Так цікавей. Гэта ўжо як лад жыцця. У нас такая прафесія, што ўвесь час трэба мяняць касцюмы, уваходзіць у ролі і без гэтага наша жыццё ўжо цяжка ўявіць».
На сваё вяселле Васіль і Таццяна шылі касцюмы ў адмысловых майстроў. Падрыхтоўка да вяселля доўжылася каля года. Госці таксама рыхтаваліся да свята: некаторым прыйшлося доўга шукаць тую ці іншую рэч, каб быць у патрэбным вобразе. Павіншаваць маладых прыйшлі мексіканскія музыкi, каўбоі і індзейцы.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…