Занепакоеныя жыхары дома № 42 па вуліцы Ажэшкі 5 сакавіка выйшлі на чарговае абмеркаванне будаўніцтва кафэ ў іх двары. На сустрэчу прыехаў заказчык, які распавёў, як атрымаў участак у іх двары і што плануе там пабудаваць.
Жыхары дома не вельмі задаволеныя тым, што ў іх двары з’явіцца двухпавярховае кафэ-кандытарская плошчай 600 квадратаў. Заказчыку гэтую тэрыторыю прадаставіў горад наўзамен знесенай чабурэчнай на вуліцы Ціміразева. Чабурэчную знеслі, бо генплан прадугледжвае там будаўніцтва дарогі.
Распавядае жыхар дома Юрый:
«Гэта наша прыдамавая тэрыторыя, дзе знаходзіцца дзіцячая пляцоўка і да нядаўняга часу раслі дрэвы. Усе жыхары супраць кафэ, бо ў нас у радыусе кіламетра знаходзіцца некалькі падобных устаноў. Ёсць жа ў Гродне новыя мікрараёны, дзе людзі маюць патрэбу ў кафэ, але чамусьці туды інвестары не ідуць. Вазьміце Альшанку — там жа нічога няма. Але чамусьці вырашылі залезці да нас у двор».
[irp posts="50 149″ name="Улады: «Гандлёвы цэнтр у Альшанцы застанецца""]
Паводле праекту новае кафэ павінна выглядаць так:
Раней начальнік землеўпарадкавальнай службы Гродзенскага гарвыканкама Андрэй Кухцюк распавядаў Hrodna.life, што будаўніцтва кафэ на Ціміразева прадугледжана генпланам. Установа павінна размесціцца ў 30 метрах ад шматкватэрнага дома.
Заказчык будаўніцтва — уладальнік кандытарскага цэха «Парэчча» Аляксандр Бычкоўскі. Бізнесмен у знос старой чабурэчнай і праектаванне новага кафэ ўжо ўклаў каля 50 тысяч рублёў.
«На працягу года я вёў перамовы з уладальнікам чабурэчнай Барташэвічам, каб мы сумесна стварылі кропку для продажу маіх тартоў. Дамовіліся і я набыў частку памяшкання. А пасля стала вядома, што кафэ пойдзе пад знос».
Бычкоўскі, Барташэвіч і тагачасны галоўны архітэктар горада Таламанаў пайшлі да Мечыслава Гоя. У гарвыканкаме вылучылі пад будаўніцтва новы ўчастак — Таламанаў уласнай рукой намаляваў, дзе ён можа быць. Задаволеныя былі і прадпрымальнікі, і чыноўнікі. Зрэшты, у бізнесоўцаў выбару не было — узялі, што прапанавалі.
[irp posts="47 280″ name="Чалавек з пазіцыяй. У галоўнага архітэктара горада Генадзя Таламанава скончыўся кантракт"]Заказчык прапанаваў жыхарам выслухаць усе іх пытанні і патрабаванні, а потым даць разгорнутыя адказы. Кагосьці наогул запрашаў на працу ў новае кафэ. Але жыхары дома засталіся незадаволеныя размовай з бізнесменам. Для іх галоўная задача — наогул не дапусціць будаўніцтва кафэ.
Жыхары дома плануюць адстойваць свае інтарэсы да канца і чакаюць падтрымкі журналістаў і дэпутатаў, якія абяцалі дапамагаць у вырашэнні розных пытанняў.
«Перад выбарамі ў мясцовыя Саветы ў паштовых скрынях у нас было па некалькі брашур з кандыдатамі, — распавядае жыхар дома Валерый Ганчар. - Вось выбралі Алену Берасневу. Яна павінна адстойваць нашы інтарэсы. Толькі чамусьці мы яе не бачым на вуліцы разам з намі. Які тады гэта дэпутат? Якія пытанні яна вырашае? Нават з жыхароў яе ніхто ніколі не бачыў».
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…