10-й аўтафестываль SunDay прайшоў пад Гродна 20 ліпеня. Ён адзначыўся не толькі рэкорднай колькасцю ўдзельнікаў, розыгрышам тоны паліва, але і ліўнем.
Дождж на некаторы час нават прыпыніў мерапрыемства. Пакуль адны хаваліся ад дажджу, іншыя вырашылі з’ехаць. Але людзей усё роўна заставалася шмат.
Адразу пасля заканчэння залевы каля ўваходу на фестываль сабралася чарга. Пакуль людзі вярталіся з хованак на пляцоўку, многія аўтаўладальнікі выціралі свае аўто. Выглядала гэта прыкладна так, як шаруюць свае машыны перакупы на рынку.
На фэсце было больш за 500 машын з розных краін Еўропы. Гэта новы рэкорд па колькасці ўдзельнікаў: у мінулы раз іх было больш за 400 — рост прыкметны.
На асноўнай сцэне разыгрывалі прызы і праводзілі конкурсы сярод удзельнікаў. На другой сцэне выступалі розныя калектывы.
Вакол было мноства намётаў з ежай і фудтракі з усёй краіны.
У аматараў гучнай музыкі была свая атмасфера.
Пасля абвяшчэння конкурсу «Міс SunDay 2019» колькасць гледачоў ля асноўнай сцэны рэзка павялічылася. Хто не ўбачыў прыгажунь, можа не хвалявацца: усё 12 фіналістак конкурсу будуць на фірменным календары ад Autogrodno.by.
На фестывалі паказалі вельмі розныя аўтамабілі, але іх усе ўмоўна можна было падзяліць на дзве катэгорыі: адны здольныя самі перамяшчацца і на іх можна ездзіць, іншыя гэта толькі выставачныя асобнікі.
Акрамя аўтамабіляў на выставе былі і матацыклы. Хто стаміўся ад тэхнікі, мог забаўляцца на гульнявых пляцоўках.
Сярод «жалезных коней» быў і адзін жывы.
Нас зацікавіў кабрыялет з «Запарожца» і дызельны Пасат універсал.
Гэтая чырвоная «Джылі» дакладна не згніе. Таму што зроблена з кубікаў.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…