Стыльныя гродзенцы. Пяць лукаў ад кухара, юрыста і дызайнера (і ўсе яны ў акулярах)

На гэтым тыдні ў падборку Hrodna.life трапілі чатыры дзяўчыны і адзін хлопец. Амаль усе паважаюць беларускіх вытворцаў адзення, але сёй-той лічыць кошты завышанымі. Як заўсёды ёсць чалавек — аматар сэканда. А яшчэ — усе яны патрапілі на фота ў акулярах.

Лізавета, вучыцца на кухара-кандытара

Я займаюся падрыхтоўкай ежы. Цяпер вучуся на другім курсе. Люблю пекчы тарты.

У асноўным я апранаюся ў сэканд хэнд. Я лічу, што ў гэтым няма нічога ганебнага. Там ёсць класныя рэчы. Мой любімы сэканд на вуліцы Кабяка. Яшчэ мне шые вопратку мама. Я гляджу ў інтэрнэце, што цяпер стыльна і выбіраю. У асноўным гэта Topshop, New Look.
Сёння на мне басаножкі Topshop, іх я заказвала на Lamoda, спадніца таксама Topshop, блузка New Look, сумка Kari.

Вераніка, дызайнер упрыгожванняў

У нейкі момант ува мне адкрылася жаданне рабіць упрыгожванні. Спачатку я пачала рабіць іх для нявест. Я ўбачыла, што нашым нявестам асабліва няма з чаго выбіраць. І я вырашыла зрабіць калекцыю ручной работы. На хобі часу не застаецца: атрымалася так, што хобі стала працай.

Я не скажу, што я замарочваюся з нагоды адзення ці нейкіх там марак. Заўсёды ў пашане якаснае адзенне, тканіна, сучасны крой. Мне падабаецца класічны стыль. Зараз стараюся купляць больш у нашых дызайнераў, бо сама ў гэтай сферы бываю цяпер. Мне падабаецца Burvin.

Сёння на мне сукенка Архідэя, брошка гродзенскага дызайнера, бранзалет і завушніцы мае, сумочка Маціолі, басаножкі купіла ў Калінінградзе на памяць, акуляры — падарунак сяброўкі.

Наталля, працуе ў сферы прыгажосці

Все время мне хотелось сделать девушек красивыми и сегодня мне очень приятно делиться красотой и какими-то бьюти новинками. Очень здорово видеть довольные лица девушек, когда все получается и при помощи нескольких секретов они могут выглядеть на пять звезд.

Увесь час мне хацелася зрабіць дзяўчат прыгожымі і сёння мне вельмі прыемна дзяліцца прыгажосцю і нейкімі б’юці навінкамі. Вельмі выдатна бачыць задаволеныя твары дзяўчат, калі ўсё атрымліваецца і пры дапамозе некалькіх сакрэтаў яны могуць выглядаць на пяць зорак.

Вопратку я часта купляю ў паездках. Прытрымліваюся свайго стылю, класіка жанру руліць. У беларускіх крамах сёння ёсць вельмі цікавыя рэчы, якія я з задавальненнем нашу. Мне здаецца, мы ўжо пачынаем рабіць такія рэчы, якія сапраўды хочацца апранаць і купляць.

Не люблю казаць пра маркі, брэнды, нават не ведаю чаму. Сёння на мне кашуля, якую я купіла ў Сочы, завушніцы я атрымала ў падарунак, гэта ручная работа.

Юлія, працуе юрыстам

Я працую нядоўга, але пакуль мне падабаецца. Вопратку я часцей за ўсё купляю ў Польшчы. Ніякіх асаблівых пераваг няма. Падабаецца Mango. Часам купляю беларускую бялізну Мілавіца. Усё, што сёння на мне, я купіла ў Польшчы.

Сяргей, кіраўнік

Маё хобі - музыка, неяк даўно я быў удзельнікам групы. Працую ў адным з гандлёвых прадпрыемстваў у Гродне, якое прадае мэблю.

Адзенне набываю як атрымліваецца — магу і ў Гродне купіць, і за мяжой. Я люблю спартыўную, свабодную вопратку. Касцюмы ношу рэдка. Заўсёды апранаюся проста і ярка, але павінен сябе адчуваць камфортна. Мне не падабаюцца цёмныя тоны.

Да беларускай вопраткі стаўлюся пазітыўна, але лічу, што цэны ў Беларусі завышаныя, значна вышэй чым у нашых суседзяў. Сёння на мне красоўкі Adidas — дакладна такія ж ёсць у Цімаці, майка Colin’s, заплечнік я купіў у Польшчы, гадзіннік Festina, акуляры Ray Ban.