Рабочыя і ўласнік будынка на 2-й Працоўнай атрымалі законнае ўзнагароджанне за скарб, які знайшлі ў 2018 годзе. Кожны атрымаў па 5070 рублёў.
Справа доўжылася з сярэдзіны красавіка 2018 года. Будаўнікі, якія знайшлі яго на гарычшы старога дома, чакалі год, каб з імі разлічыліся. Трэба было, каб прайшлі ўсе экспертызы і праверкі. 23 красавіка ім выплацілі грошы.
Раней паведамлялася, што скарб 14 красавіка 2018 года падчас разборкі даху знайшоў адзін будаўнік Уладзімір Страковіч. Пад бэлькай у маленькай каробачцы ад тытуню ён выявіў каля 30 залатых манет 18−19 стагоддзяў, звыш 10 розных каштоўных упрыгожванняў - пярсцёнкі і ланцужкі, а таксама каронкі. Як высвятлілася пазней, скарб быў знойдзены насамрэч трыма будаўнікамі.
У Гродзенскім гісторыка-археалагічным музеі знаходку ацанілі і прызналі гісторыка-культурнай каштоўнасцю. Яе цану вызнаылі з амаль у 19 500 долараў. Паводле закону ўласніку будынка і таму, хто знайшоў скарб, належыць па 50% ад яго кошту.
Пасля надання знаходцы статусу будаўнікам і ўладальніку будынка паабяцалі выплаціць узнагароджанне. Паводле заканадаўства гэта павінны былі зрабіць да канца лістапада 2018 года, але гэтага не адбылося. Як стала вядома Hrodna.life, уласнік будынка, прадстаўнік фірмы «Панэ» Алег Разін, звярнуўся ў пракуратуру і міліцыю, каб службы высветлілі, колькі людзей насамрэч знайшлі скарб. Пракуратура парушэнняў не выявіла. У выніку ўзнагароджане за знойдзены скарб атрымалі чатары чалавека.
У 2018 годзе скарб з 2-й Працоўнай, як і іншыя, знойдзеныя ў Гродне і вобласці за апошнія некалькі дзясяткаў гадоў скарбы, можна было ўбачыць на выставе ў Новым замку.
Папярэдні досыць буйны скарб знайшлі ў Гродне ў 2016 годзе. Тады будаўнікам, што яго выявілі, прыйшлося чакаць больш за год, каб яго прызналі каштоўным і выплацілі ўзнагароджанне. Як на Антонава, так і на 2-й Працоўнай, знаходкі маюць яўрэйскі след, яны былі схаваныя на тэрыторыі двух гета падчас Другой сусветнай вайны
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…