Прамова гродзенскага школьніка Мікіты Кузьмініча «Пяць прычын, чаму беларусы не гавораць па-беларуску» выйшла на ютуб-канале ALL TEENS CAN (Кожны падлетак можа). Гэта пляцоўка дае магчымасць падлеткам з розных краін распавесці пра себе ці падзяліцца меркаваннем з важных для іх нагодаў. Падлеткі, што хочуць паспрабаваць сябе ў блогерстве, могуць дасылаць туды троххвілінны ролік.
Мікіту Кузьмінічу 13 год, ён вучыцца па-беларуску ў сёмым класе гімназіі № 10. Па яго словах, тут вельмі файныя настаўніцы і настаўнікі, так што вучыцца яму падабаецца.
[irp posts="21 696″ name="Беларуская з нуля. Гродзенка стварыла дапаможнік па мове для дзяцей і дарослых"]
Бацька Мікіты, Ігар Кузьмініч, расказаў, што тэму для выступу хлопец выбіраў самастойна. Ніякіх падказак ці «наводак» з боку дарослых не было. «Я папрасіў яго падумаць над тэмамі. Праз дзень ён прапанаваў дзве: тую, з якой выступіў, пра беларускую мову, і другую — пра бяспеку дзяцей і моладзі ў сацыяльных сетках. Сын папрасіў мяне сказаць, якая з іх лепшая. Я адказаў, што адна і другая актуальныя і вартыя ўвагі, але яму трэба з іх выбраць толькі адну. Ён выбраў пра мову. Не буду хаваць — мне гэта было вельмі прыемна! Але я аніяк не стараўся паспрыяць такому выбару».
youtu.be/WhhDsYoF4b4?list=PLPXAXjeMc38TvyOEwZ813OTqbYEds7FcT.
У сям'і Кузьмінічаў моўнае пытанне складаным не з’яўляецца. Тут гавораць па беларуску ўвесь час, аргументуючы такі выбар вельмі проста. «Гаворым па простай прычыне — бо мы беларусы! Гэта адзіная прычына. Немцы гавораць па-нямецку, палякі па-польску, арабы па-арабску… Многа ёсць людзей што гавораць на іншых мовах — ну і дай ім Бог здароўя. Акрамя беларускай дзеці ведаюць рускую, вучаць англійскую. Вельмі хацелі платна вучыць нямецкую, але ў школе не атрымалася набраць групу», — распавёў Ігар.
[irp posts="23 077″ name="Беларуская мова ў школах не патрэбная гродзенцам, або Калі на Гродзеншчыне цалкам знікне навучанне на мове тытульнай нацыі"]
Што да блогерскага досведу, то «прамова пра мову» — першая спроба Мікіты выступіць на шырокую інтэрнэт-аўдыторыю. Інфармацыю пра інтэрнэт-курс навучання прамовам знайшлі ў сеціве бацькі і прапанавалі дзецям.
«Мікіта ўзяўся і паспяхова выканаў усе заданні. Працаваў з ахвотай. І мы з жонкай вельмі радыя, што яму спадабалася і ён рабіў усё самастойна і з ахвотай. Развіваць сваё дзіцё, ці не гэта адна з задачаў бацькоў? Вось, мы стараемся стварыць умовы, каб нашыя дзеці развіваліся, вучыліся, неяк праяўлялі сябе ў розных сферах, пакуль не выберуць нешта, што ім будзе да спадобы».
Пра сябе Ігар Кузьмініч кажа, што захоўваць беларускасць, ці дакладней, жыць па-беларуску — гэта не намаганне: «Гэта і ёсць жыццё! Я толькі так і жыву. Проста хачу, каб мае дзеці выраслі паспяховымі і падрыхтаванымі да жыцця актыўнымі грамадзянамі са сваёй пазіцыяй, поглядамі, прынцыпамі. Так і выхоўваю. Беларуская мова — адзін з цэнтральных складнікаў такога выхавання».
Рускамоўным беларусам Ігар раіць спрыяць і дапамагаць любому, хто выкарыстоўвае беларускую мову і самім яе абараняць: «Нават калі не гаворыце, але чуеце, што нехта яе зневажае». А самае галоўнае — усё-такі пачынаць размаўляць па-беларуску, нават калі з памылкамі: «Лепш па-беларуску з памылкамі, чым па-руску з тымі ж памылкамі». Так што вучыце сваіх дзецей беларускай!
Выступ Мікіты Кузьмініча з’яўляецца часткай праекта «ТэДДі - Трыбуна для меркаванняў дзяцей і моладзі», які сумесна рэалізоўваюць рэдакцыя газеты «Аргументы і факты ў Беларусі», РГА «Беларуская Асацыяцыя клубаў ЮНЕСКА» і Прадстаўніцтва Дзіцячага Фонду ААН (ЮНІСЕФ) у Беларусі.
Паслухаць больш прамоваў і падтрымаць лепшых выступоўцаў лайкамі можна на старонцы праекта.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…