Фрагмент святкавання Фестывалю нацыянальных культур у 2018 годзе
Ад сёлетняга фестывалю нацыянальных культур можна было чакаць чаго заўгодна. З аднаго боку — нарэшце можна святкаваць пасля пандэміі. З іншага — зусім недалёка ідзе вайна. У выніку анансаваная праграма аказалася як дзве кроплі вады падобнаю да мінулагодняй ці пазамінулагодняй. Для аматараў звыклых забаваў - тое што трэба. А бард і літаратар Віктар Шалкевіч кажа, што такога ўжо наглядзеўся і лепш паедзе на вёску.
Адмыслова для Hrodna.life ён прагназуе, як пройдзе свята, а рэдакцыя прапануе напрыканцы фестывалю праверыць, ці спраўдзілася прадказанне.
«Я не люблю народных ігрышчаў! Для асьвечанай душы і ўзвышанага розуму яны не ўяўляюць сабою аніякай карысці!"(Словы шкаляра Самахвальскага з «Несцеркі» А.Вольскі.)
Сьвяты і ўсё звязанае з імі - гэта вельмі файна. Ёсць магчымасць выбрацца ў горад, патаўчыся то там, то тут, пастаяць у чэргах па піва ці шашлыкі, наліць сабе з рукава ў шклянку прынесенае з сабою гарэлкі, пасварыцца з кімсьці, згубіць ў натоўпе уласнае дзіця, знайсці яго, пазырыцца на сцэну, дзе нібы змяняюцца выканаўцы, а песьня, здаецца, якая была, такая і засталася…
Панаперла на меншыя эстрадныя пляцоўкі рознага кшталту ансамбеляў тупату і сьвісту, народнай вясковай песьні. Закрадаецца ў галаву думка — гораду амаль тысяча год, а песьні ў ім гучаць скрозь вясковыя. Чаму, нашто… Ат, хай сабе, мо ў вёсцы няма ўжо перад кім выступаць, а тут усё ж людзі. У канцы вечара, задраўшы галаву, падзівіцца на нібы велічны салют, убіцца з сям’ёй, калі ўлезеш, у аўтобус і вярнуцца дахаты. Сесці перад тэлевізарам, «дагнацца» літрам піва, і легчы спаць, каб назаўтра прачнуцца з цяжкаю галавою і ўспамінаць, лежачы ў ложку — а што там такое адбывалася, і дзе я быў?
Czemu świętujecie Dzień Kurczaka? A Dzień Batorego — nie?
- Bo na Dzień Kurczaka mamy pieniążki, a na Dzień Batorego — nie!
(з размовы з пэўным чыноўнікам у адным невялічкім польскім мястэчку)
Падкаст «Гаворыць Гродна» з Віктарам Шалкевічам слухай тут:
На добрае, душэўнае, малазідэалагізаванае сьвята патрэбныя вялізарныя грошы, добры сцэнар, брыгада рэзвых рэалізатараў, бэзпраблемная сітуацыя ў краіне і за яе межамі (пажадана), выдатнае надвор’е, зацікаўленыя слухачы і гледачы з поўнымі кішэнямі грошай альбо з немалым рахункам на банкаўскай карце.
Добрае сьвята задавальняе ўсе варствы насельніцтва: жыхароў цэнтральных вуліцаў і спальных раёнаў, вытанчаных інтэлектуалаў і аматараў пазорнай папсы, нацыяналістаў і нэакамуністаў. А калі яшчэ на кожным кроку прадаецца якасная і параўнальна недарагая ежа, слабы алкаголь — ну та hulaj, duszo, рiekła niema!
Такога сьвята я Вам ўсім і жадаю! А сам паеду за Парэчча, на сядзібу, адпачываць. Я не люблю цёгацца па сьвятах…
Чытайце таксама: Кветкі нацый, дзяўчаты з легендамі і 170 кропак харчавання. З’явіліся новыя падрабязнасці пра фестываль нацыянальных культур у Гродне
Адкрыецца без рыбкі. Ці патрэбны гораду «гістарычны» Дом рыбака
Фестываль нацыянальных культур стане трохдзённы. Але апошні дзень будзе не ў Гродне
Дж — У Гародні дожДЖ. «Гарадзенская азбука» вырушае на шпацыр па радках песні Віктара Шалкевіча
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…