Жаночых імёнаў на мапе Гродна знайшоўся роўна тузін — 12 з 778 вуліц горада названы ў гонар гістарычных гераінь. Мужчын, якіх уганаровалі ў назвах віліц, аказалася 200. Іроніяй лёсу, адзіная літара алфавіту, якой адпавядала аднолькавая колькасць жаночых і мужчынскіх прозвішчаў, аказалася «Х». Тут гендарны баланс забяспечвалі Багдан Хмяльніцкі і Вера Харужая. Кім былі жанчыны, чые імёны носяць гродзенскія вуліцы?
Частка з іх — ваенныя гераіні савецкага часу. Іх імёнамі, падобна, што згодна разнарадцы, называліся вуліцы ўсіх савецкіх гарадоў. У Гродне гэта дыверсантка Зоя Касмадзям’янская, партызанкі Вольга Соламава і Ліза Чайкіна, падпольшчыца Вера Харужая, лётчыцы Вольга Санфірава і Паліна Асіпенка.
Да сусветна вядомых жанчын, чыімі імёнамі ўганараваны вуліцы Гродна, адносяцца першая ў свеце жанчына-касманаўт Валянціна Церашкова і адна з пачынальніц жаночага руху ў свеце Роза Люксембург.
Тры вуліцы носяць імёны жанчын, што пакінулі значны след у літаратуры. Гэта пісьменніцы Эліза Ажэшка, Алаіза Пашкевіч (Цётка) і Зоф’я Налкоўская. Найноўшую гісторыю на мапе Гродна прадстаўляе харэографка танцавальнага ансамбля «Нёман» Ларыса Ляшэнка.
Гераіням беларускай гісторыі - Рагнедзе, Еўфрасіні Полацкай, Анастасіі Слуцкай, Барбары ці Уршулі Радзівіл, Эміліі Плятэр або Боне Сфорцы месца на гродзенскай мапе не знайшлося. Таксама «не дайшоў ход» да больш сучасных жанчын — першай і адзінай нобелеўскай лаўрэаткі з Беларусі Святланы Алексіевіч, сусветна вядомай спарстменкі Вольгі Корбут, што нарадзілася ў Гродне, ці паэткі Дануты Бічэль, што піша і працуе тут да сёння. А даць вуліцы імя хаця б адной з сотні гродзенскіх мацярок-гераінь, жанчын уганараваных беларускім «Ордэнам маці», то напэўна, і на думку нікому не прыходзіць.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…