22 лістапада ў Вільні прайшло перапахаванне знойдзеных летась парэшткаў Кастуся Каліноўскага, Зыгмунда Серакоўскага і іх паплечнікаў. Ушанаваць іх памяць паехалі тысячы беларусаў. Hrodna.life адправіўся зафіксаваць гэты момант для вас.
У гонар паўстанцаў адбылася імша ў Кафедральным касцёле. Перад імшой жадаючыя маглі зайсці ў касцёл і развітацца з паўстанцамі. Падчас імшы выступалі прэзідэнты Літвы і Польшчы і прадстаўнікі ўкраінскай і беларускай дэлегацый. Ад Беларусі туды паехаў віцэ-прэмʼер Ігар Петрышэнка. Беларусы яго сустрэлі крыкамі «Ганьба!». Сярод іншага, ён заўважыў, што памяць пра Каліноўскага ў Беларусі жыве ў назвах вуліц, помніках і школах. Нагадаем, адзіны помнік Каліноўскаму знаходзіцца ў Свіслачы.
Пасля імшы прайшло ўрачыстае шэсце на могілкі Росы. Парэшткі пахавалі ў калумбарыі капліцы. Заўтра тут пройдзе богаслужэнне за ўпакой паўстанцаў. Таксама пройдзе сустрэча з Радай БНР, гісторыка-тэатральна-паэтычны Рэквіем і жалобнае шэсце са знічкамі.
Яе паведамляе n*.by, колькасць прысутных можна ацаніць у 10 тысяч чалавек. Для гродзенцаў, якія хацелі паехаць, арганізавалі адмысловы бас-тур. Бел-чырвона-белых сцягоў у працэсіі было найбольш.
Беларускія ўлады пачалі звяртаць увагу на школьны булінг. Праз Telegram-каналы і рассылкі ў школьных Viber-чатах…
Здабываць бярозавы сок вясной — беларуская традыцыя, у кожным лясніцтве яго можна купіць за капейкі.…
Белавежская пушча сёння раздзеленая не на дзве, а насамрэч на тры часткі: беларускую, польскую і…
Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…
У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…
Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…