У пачатку 2020 года бацькі гродзенскай мастачкі Эміліі Кервяк купілі кватэру ў цэнтры Гродна. Да таго, як зрабіць там рамонт, яны дазволілі творчай моладзі выставіць або стварыць там свае працы. Кватэра ператварылася на суткі ў нефармальную галерэю. Ніякай цэнзуры і рамак: хто хоча, той і выстаўляецца, кажуць арганізатары.
Выстава маладых мастакоў адкрылася 22 лютага ў адной з кватэр на Савецкай, 6.
«У нас няма магчымасці выставіцца ў якой-небудзь гарадской галерэі. Куды б ні прыйшлі - усюды свае мастакі або трэба доўга чакаць, — распавядае арганізатар выставы Максім Дудзіч. — Мы вырашылі зрабіць сваю галерэю аднаго дня. Ніякай цэнзуры, хто хоча той і выстаўляецца. Далі анонс у інстаграме і адгукнуліся некалькі чалавек. За ноч развесілі працы, хтосьці на месцы ўжо ствараў. У выніку атрымалі такую нефармальную выставу. Тут свае работы прадставілі студэнты творчых факультэтаў універсітэта, прыйшлі і проста самадзейныя мастакі».
Галерэя ў кватэры прапрацавала ўсяго суткі. Наступную выставу моладзь плануе зрабіць вясной. А пасля кватэру ў цэнтры Гродна чакае вялікі рамонт.
Беларускія ўлады пачалі звяртаць увагу на школьны булінг. Праз Telegram-каналы і рассылкі ў школьных Viber-чатах…
Здабываць бярозавы сок вясной — беларуская традыцыя, у кожным лясніцтве яго можна купіць за капейкі.…
Белавежская пушча сёння раздзеленая не на дзве, а насамрэч на тры часткі: беларускую, польскую і…
Ужо некалькі дзесяцігоддзяў метал-музыка аб'ядноўвае людзей не толькі адных музычных прыхільнасцяў, але і падобнага светапогляду.…
У ГЗК Triniti гродзенцы заўважылі прусака — насякомае бегала па канапе ў зоне фуд-корту. Hrodna.life…
Беларускі гурт Ulis праіснаваў больш за 20 гадоў. Яго спадчына жыве - музыканты робяць каверы,…