Алень Лявон, рэдкі прадстаўнік аленяў з крыжом паміж рагоў, быў заўважаны на віртуальных вуліцах нашага горада 3 лістапада. Ён вырашыў нагадаць гродзенцам пра тое, што ў гэты дзень ганаруюць Святога Губерта, апекуна паляўнічых, лучнікаў і нашага горада.
Калі (яшчэ не святы) Губерт сустрэў дзівоснага аленя з крыжом паміж рог, то жыццё яго змянілася. Палічыўшы сустрэчу за знак нябёсаў, Губерт змяніў разгульны лад жыцця на прыкладныя хрысціянскія паводзіны. Спадзяёмся, што і сустрэча з нашчадкам аленя Святога Губерта, аленем Лявонам, таксама прынясе ў жыццё нашых чытачоў цудадзейныя добрыя змены.
Як і шмат што з тутэйшых жыхароў, алень Лявон любіць Гродна і шмат ведае пра яго гісторыю. Яго расповеды пра даўніну і сучаснасць горада, а таксама пра турыстычныя цікавосткі Гродна, будуць з’яўляцца на старонках Hrodna.life.
Гісторыя аленя Святога Губерта звязна з Гродна ад канца 15 — пачатку 16 стагоддзя. Адныя гісторыкі мяркуюць, што герб з аленем горад атрымаў разам з магдэбургскім правам у 1496 годзе, іншыя — што быў дараваны гораду каралевай Бонай Сфорцай у 1540. Першыя друкаваныя дакументы з аленем Святога Губерта на гербе датуюцца 1565 годам. Прычынай выбару такога сімвала лічыцца наяўнасць побач з горадам вялікіх лясоў і тое, што насельніцтва займалася паляваннем. Агароджа, праз якую скача алень, была дададзена да герба пазней, як сімвал свабодалюбства жыхароў і назвы горада, утворанай ад слова «гарадзіць».
[irp posts="38 598″ name="Дзе ў Гродне турысту смачна з’есці. Тэст установаў харчавання з ацэнкай у аленях Святога Губерта"]
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…