Гродзенцаў з парога сустракалі пірагом з тварогам і мятнай гарбатай. Усмешлівыя дзяўчаты-блізняты з дрэдамі настройваліся і распяваліся. Дзеці бегалі, чапляючыся за правады і чапаючы музычныя інструменты. Ніхто ім не перашкаджаў - а раптам такім чынам развіваецца талент?
Аж тры канцэрты даў гурт «СолнцеОстров» у Гродне. Музыкі дарылі цяпло 12, 13 і 14 лістапада. Hrodna.life завітаў на канцэрт у «ДОМ46». Уваход на ўсе выступы быў вольны: музыкі прасілі толькі дабраахвотныя ўнёскі на дарогу.
Гродзенец Жэня распачаў выступ мантрамі, каб слухачы расслабіліся і настроіліся на музыку. Хутка да яго далучыліся іншыя музыкі: гітарыст, скрыпачка, флейтыст. Праз нейкі час грала амаль уся зала: хто на бубне, хто на каленях.
— Мы хочам сцерці мяжу паміж гледчамі і выступоўцамі, — казалі музыкі.
Пазней у памяшканні выключылі святло, стварыўшы прыемны напаўзмрок. А па сценах з праектара забегалі дзівосныя ўзоры і пальмы. Слухачы павольна раскачваліся ў такт музыцы.
Пасля мантраў гурт «СолнцеОстров» сыграў песні пра каханне, сонца ўнутры і «цуда-чалавека». Паміж песнямі мінчане расказвалі гісторыі з асабістага жыцця: пра падарожжа ў Еўропу з чатырма еўра і гітарай, пра тое, як песняй заспакоіць дзіця, якому два дні ад нараджэння.
Пасля перапынку на гарбату, пірог і размовы музыканты распачалі джэм. Слухачы селі ў круг, што задало асаблівы настрой. А хтосьці пачаў танцаваць.
Мінчане з «СолнцеОстров» кажуць, што ў іх не бывае аднолькавай музыкі. Настрой задае аўдыторыя, для якой яны граюць.
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…