Калядны латэ-арт батл, які прайшоў у Мінску 23 снежня, прынёс перамогу гродзенскаму барыста з «Нашай Кавы» Аляксею Небышынцу. Журы прызнала яго лепшым у маляванні малаком па каве сярод 16 удзельнікаў з кавярняў Мінска, Брэста і Гродна.
Разам з першым месцам у конкурсе латэ-мастакоў Аляксей атрымаў магчымасць удзелу ў чэмпіянаце Беларусі-2018 па латэ-арту і права прадстаўляць нашу краіну ў Russian Coffee Cup'2018.
Удзельнікі батла мелі на выбар 16 малюнкаў, якія трэба было паўтарыць у кубку кавы. «Падрыхтавацца заранёў было немагчыма, бо невядома было, што чакае на спаборніцтвах. Малюнкі мы пабачылі толькі перад пачаткам выступаў», — распавёў Аляксей. А на фінальным этапе элемент нечаканасці падвысіўся яшчэ больш. Трэба было як мага дакладней паўтарыць малюнак за чэмпіёнкай свету па латэ-арт 2012 года Вікторыяй Кашырцавай.
Са словаў Аляксея, больш за ўсё прышлося змагацца з… уласным стрэсам: «Галоўнае — быць эмацыйна гатовым працаваць перад натоўпам гледачоў і паменш нервавацца. Калі падыходзіць да справы спакойна, як на працы, то ўсё добра атрымліваецца».
[irp posts="42 806″ name="Гродна — беларуская сталіца кавы. 5 аргументаў за" ад экспертаў"]
Падмуркам перамогі, кажа Аляксей, стала тое, што ў кавярні ўвесь час шмат магчымасцяў адточваць майстэрства. «Увесь час спрабую рабіць новыя малюнкі, заўважаю і выпраўляю памылкі». Навучыцца латэ-арту без практыкі немагчыма, таму, на думку Аляксея, дапамаглі атрымаць перамогу ўсе, хто прыходзіў замовіць каву.
[irp posts="4823″ name=" Кавярня гэта не толькі кава". Дзмітрый Захарка пра кававую культуру, беларускамоўнасць і перспектывы Замкавай вуліцы"]
Што да любіміх малюнкаў, то такіх у Аляксея няма. «Люблю маляваць усё. Галоўнае, каб госцю спадабалася». На фоне апошняга піску кава-моды ў выглядзе «сэлфічыно» Аляксей усё ж аддае перавагу «сэлф-мэйд» малюнкам.
www.instagram.com/p/Bc5LG5vnQEA/
«Малайцы, цікава прыдумалі. Але мне больш падабаецца, калі прыгажосць не штампуецца машынай, а робіцца ўласнымі рукамі. Мяркую, што і для чалавека гэта больш прыемна».
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…