Як гродзенскія заўзятары «Планеты» назвалі вуліцу Нёманскай

Да 30-годдзя хакейнага «Нёмана» ў гродзенскім садовым таварыстве «Планета» адкрылі вуліцу Нёманская. Такая ініцыятыва з’явілася дзякуючы групе актыўных заўзятараў і гродзенскага паэта Ігара Субоціна. Вуліцу адкрылі 21 верасня.

«Цяпер не толькі ў садовым таварыстве „Планета“, але і ў хлопцаў з клуба „Нёман“ ёсць свая хакейная вуліца, — распавядае Ігар. — Вядома, вуліца неафіцыйная і мы нічога не ўзгаднялі ў гарвыканкаме. Гэта так, для нас, для мясцовых. Адкрыццё вуліцы адзначылі, сабраліся сваёй группай заўзятараў. А ў хакей хлопцы мяне ўжо даўно ўцягнулі. Заўзеем як у Гродне, так і на выездах. І вось калі „Нёман“ святкаваў 30-годдзе ў мяне і нарадзілася ідэя як-небудзь парадаваць сваіх сяброў. Вуліцу адкрылі традыцыйнымі вераснёўскімі вячоркамі на дачы. Ніхто не ведаў пра гэта, але сябры ацанілі сюрпрыз».

Ігар кажа, што вуліц з назвамі ў іх садавым таварыстве да гэтага часу не было. Дзякуючы ініцыятыве, «Нёманская» будзе першай, хоць і не фармальна. «Нават старшыня жартаваў і казаў, што будзе ведаць — зараз мы на Нёманскай жывем», — дадаў мужчына.

[irp posts="47 218″ name=""І напісаць верш, і адрамантаваць ланцужок — паэзія". Гродзенскі ювелір пра творчасць, працу і сапраўдныя каштоўнасці"]

Ігар Субоцін з’яўляецца членам расійскага саюза пісьменнікаў, арганізатарам літаратурнай кавярні «Тры свечкі». Гродзенец ужо не раз прысвячаў свае творы любімай камандзе. Вось адзін з іх:Хоккей — игра для сильных духом.
Жизнь ярче делает нам он.
И вопреки пустым всем слухам,
Наш «Неман-Гродно» — чемпион!

И пусть удар порой слабеет
У наших славных игроков,
Мы верим, что победа зреет
В сознанье сильных мужиков.

Им станет лёд озёрной гладью,
Для шайб ворота широки.
«Вперёд к победе!
В ней лишь радость!» —
Давайте крикнем, мужики!