Цягам лета і восені 2018 у гістарычным цэнтры Гродна знеслі каля дзясятка драўляных будынкаў на вуліцах Зярнова, Свярдлова, Міцкевіча, Падгорнай і іншых. Гэтыя будынкі не былі вельмі каштоўнымі з пункту гледжання знешняга выгляду, але відавочна, што экскаватары падбіраюцца і да самых каштоўных пустых, або амаль пустых дамоў Новага Свету.
Гэта канструктывістычны дом па Міцкевіча № 1 (яго грунтоўна падфарбавалі да візіту прэзідэнта), будынкі пачатку 20 ст. па Міцкевіча №№ 7 і 9, Валковіча № 23 і Славацкага № 19. Апошнія два дамы не проста цікавыя як аб’екты архітэктуры — гэта, магчыма, самыя вялікія драўляныя будынкі нашага горада.
[irp posts="93 021″ name="На Свярдлова знеслі драўляную пабудову міжваеннага часу"]
Гарадскія ўлады заклікаюць «ставіцца прасцей» да старых будынкаў Новага Свету. Вось, напрыклад, што сказаў у верасні гэтага года пра забудову раёна старшыня гродзенскага гарвыканкама Мечыслаў Гой:
«Новый свет — несомненно, особая территория Гродно, но некоторые проблемы, которые касаются данного квартала, надуманы. Мы уверены, что к каждому дому надо подходить индивидуально. Если определено, что это историко-культурная ценность, то сносить никто ничего не будет. Но если дом построен в конце 60-х годов прошлого века и, по сути, является ветхим строением, то и относиться к нему надо проще. В том числе и историкам. Вообще, больших проблем с реконструкцией старой части города у нас нет».
Праблем, можа і няма, але за ўсе прамінулыя дзесяцігоддзі горад ні разу (!) нават не паспрабаваў захаваць гістарычны цікавы будынак, зроблены з дрэва.
Толькі старадаўні лямус на тэрыторыі брыгіцкага манастыра аднаўляецца, і тое, коштам касцёла ды дапамогі палякаў. Як дэградаваў гродзенскі Новы Свет напісана шмат і няма сэнсу гэта ўсё паўтараць. Хочацца сказаць толькі адно.
Давайце ўсе мы, гродзенцы, асабліва тыя, хто прымаюць адказныя рашэнні, яшчэ раз вельмі добра падумаем, перад тым як напускаць экскаватар на самыя прыгожыя драўляныя дамы Новага Свету. Іх і так засталося вельмі мала.
Чаму б не распрацаваць праект захавання хаця б аднаго такога дома і не сабраць на гэта грошы ў самых гродзенцаў? Вось калі б такое ўдалося зрабіць, то тады можна было б сказаць, што праблем з захаваннем старога Гродна ў нас насамрэч няма!
[irp posts="90 685″ name=""Драўляныя дамы можна ратаваць". Гродзенец аднаўляе рэдкі прыклад канструктывізму 1930-х"]
Калі звыклыя хобі ўжо надакучылі і больш не прыносяць задавальнення, самы час выйсці за межы…
Мастацтва тэатраў лялек у Беларусі ўзнялося надзвычай высока і 30 гадоў трымала планку якасці. Беларускіх…
«На могілках! А дзе ж яшчэ праводзіць прэзентацыю? Аўтарка кнігі пра гродзенскі праваслаўны некропаль Святлана…
У Беларусі Света выкладала хімію ў каледжы і працавала ў антыдопінгавай лабараторыі. Зараз яна жыве ў…
Гродна 100 гадоў таму праславілася як “база” серыйных забойцаў Збоньскіх. Адсюль з вуліцы Фабрычнай, 9 цягам…
Журналіст Hrodna.life Руслан Кулевіч летам 2020-га збіраўся згуляць вяселле, а да канца года - выпусціць…