Каханне з апетытам: Да дня Святога Валянціна гродзенка робіць букеты, якія можна з’есці

Напярэдадні 14 лютага фларыст Алеся пойдзе за «кветкамі» для сваіх букетаў у гастраном. «Садавіна, гародніна, прысмакі, мясныя вырабы — букет можна зрабіць з чаго заўгодна, — упэўненая дзяўчына. — Галоўнае фантазія! «. Да дня Святога Валянціна-2019 яна атрымала каля сотні заказаў на ядомыя букеты.

Добрая альтэрнатыва жывым кветкам

Алесі 32 гады. Па адукацыі яна эканаміст, але пакліканне знайшла ў смачных букетах. «Заўсёды любіла рабіць падарункі сваімі рукамі. Ядомая фларыстыка спадабалася мне. Гэта вельмі добрая альтэрнатыва жывым кветкам». Па словах Алесі, яна асвоіла новую спецыяльнасць ўсяго за паўгода.

Першыя букеты дарыла родным і сябрам. Потым з’явілася ідэя працаваць на заказ. Веды ў эканоміцы прыгадзіліся, калі вывучала запатрабаванасць такой паслугі. Алеся зразумела — у Гродне ядомай фларыстыкай можна займацца сур’ёзна.

Такая праца — суцэльныя плюсы

«Мая праца гэта адны суцэльныя плюсы. Самы прыемны момант у ёй — бачыць твары пакупнікоў. Іх шчаслівыя эмоцыі - сапраўдная ўзнагарода за маю працу».

Самае складанае ў працы — вялікая загружанасць перад святамі. «Кліентаў шмат, хочуць усё і адразу, бывае складана дагадзіць».

Смачна, практычна і незвычайна

На думку Алесі, сакрэт папулярнасці ядомых букетаў - у іх практычнасці і незвычайнасці. «Заўсёды хочацца здзівіць свайго каханага чалавека». Яшчэ адна іх перавага — гэта добры варыянт падарунка для мужчын, замест стандартных пены для галення і шкарпэтак.

Дарагі не падарунак, а ўвага

Алеся таксама рыхтуецца да дня святога Валянціна і чакае «сюрпрыз ад каханага». Што гэта будзе — не так важна, кажа дзяўчына. «Я і без падарункаў шаную увагай сваіх блізкіх».