Першы ў сваім родзе: агляд «А1 Альфа»

У сярэдзіне 2019 г. вядомы на беларускім рынку брэнд velcom змяніўся на не менш вядомы ў Еўропе А1. Адначасова з рэбрэндынгам карыстальнікам быў прадстаўлены першы аператарскі смартфон кампаніі - «А1 Альфа».

Внешні выгляд

У крамах А1 можна выбраць адзін з двух варыянтаў колеру корпуса — чорны або бірузовы. Чорны больш строгі і традыцыйны, а бірузовы прадугледжвае нейкую фрывольнасць і адыход ад фармальнага «дрэс-кода». Корпус смартфона пластыкавы, па баках сканцэнтраваны ўсе звыклыя элементы: клавішы кіравання гукам і ўключэння — справа, прычым клавіша ўключэння выдзелена і рэльефам, і колерам. На левым баку размешчаны слот для nanoSIM-карты і карты памяці (замест яе можна ўсталяваць другую SIM-карту).

Зверху знаходзіцца 3,5 мм аўдыяраз'ём і мікрафон. У ніжняй частцы корпуса размешчаны дынамікі і стандартны раз’ём microUSB для зарадкі і падлучэння да камп’ютара. На задняй панэлі корпуса размешчаны блок аб’ектываў камеры (іх дзве з агульным разрозненнем 13 + 2 Мп) і выбліскам. У сярэдзіне верхняй часткі задняй панэлі размешчаны сканар адбітка пальцаў. То бок, усе звыклыя атрыбуты смартфона на месцы і працуюць.

Знешні выгляд смартфона цалкам адпавядае сучасным трэндам — ​​корпус тонкі, фізічныя памеры экрана практычна цалкам супадаюць з памерамі пярэдняй панэлі, а невялікі кропляпадобны выраз пад аб’ектыў франтальнай камеры зусім не замінае ўспрымаць тое, што адбываецца на экране. Паводле ўсіх параметраў за знешні выгляд смартфон заслугоўвае выдатнай адзнакі - строга ці крыху больш паветрана, і, галоўнае, стыльна.

Зборка якасная, корпус не рыпае, зручна ляжыць у руцэ, добра прадумана эрганоміка — рэльефную клавішу ўключэння лёгка адшукаць навобмацак. Уключаць апарат лёгка нават у пальчатках. У якасці аксэсуара для смартфона можна дадаткова набыць чырвоны, графітавы, чорны альбо бэжава-ружовы сіліконавы чахол, або камплект чахла з ахоўным шклом на экран.

Экран

Экран смартфона добра збалансаваны і пакідае прыемнае ўражанне як паводле яркасці, так і паводле правільнасці колераперадачы. Памер дыяганалі экрана складае 6,26 цалі. Пры габарытах корпуса 151.7×75.8×8.1 мм экран займае практычна ўсю пярэднюю панэль. Яго разрозненне складае 1520×720 кропак (суадносіны бакоў - 19:9). Тэхналогія IPS, па якой выкананы экран, забяспечвае высокую яркасць нават пры добрым сонечным асвятленні і выдатную колераперадачу.

Што ўсярэдзіне?

У смартфоне ўсталяваная 9-я версія Android. Аб’ём аператыўнай памяці складае 3 ГБ, аб’ём убудаванай памяці - 64 ГБ. Падтрымліваюцца карты памяці фармату microSD, але асобнага слота для іх няма, толькі гібрыдны. Зрэшты, аб’ёму ўбудаванай памяці цалкам дастаткова для выкарыстання смартфона на працягу доўгага часу, а калі ўстаноўка другой SIM-карты не актуальная, то свабодны слот можна выкарыстоўваць для пашырэння сховішча.

Васьміядзерны працэсар Unisoc SC9863A не адносіцца да ліку звышпрадуктыўных, аднак яго хопіць для працы са звычайнымі дадаткамі і не самымі патрабавальнымі гульнямі.

У панэлі хуткага доступу сканцэнтраваны асноўныя функцыі, якія найбольш часта запатрабаваныя. Сярод «хуткіх» кнопак доступ да сетак Wi-Fi і Bluetooth, уключэнне ліхтарыка, кнопкі ўключэння рэжымаў «перадачы дадзеных» і «не турбаваць». З перспектыўных адзначым блок NFC са сваёй хуткай клавішай. NFC дазваляе ажыццяўляць бескантактную сувязь паміж прыладамі і ў перспектыве дасць магчымасць ператварыць тэлефон у асабісты мабільны тэрмінал.

Камера

Максімальнае разрозненне фотаздымкаў складае 13 Мп пры суадносінах бакоў у кадры 4:3 і 8,3 Мп пры суадносінах 16:9. Днём пры натуральным асвятленні якасць здымкаў проста выдатная! Звярніце ўвагу на зручную фішку у наладах камеры: пры руху пальца па экране справа налева адкрываецца акно, у якім можна пераключыць рэжымы здымкі. А калі правесці пальцам злева направа, то вы трапіце ў меню фотаналадак. Ну і традыцыйна ў верхнім радку экрана адлюстроўваюцца параметры рэжыму ўспышкі, уключэнне HDR (рэжым здымкі, падчас якога камера робіць некалькі здымкаў з рознай экспазіцыяй і вытрымкай, а затым злучае ўсе ў адзін малюнак), налады віртуальнай дыяфрагмы, самыя простыя фільтры рэтушы. На гэтай жа панэлі размешчана кнопка ўключэння франтальнай камеры.

Па агульным уражанні камера вельмі годная. Яна цалкам апраўдвае чаканні, і нават пераўзыходзіць іх.

У Гродзенскай вобласці нямала аб’ектаў, вартых пэндзля мастака — ці аб’ектыва камеры, як у нашым выпадку: Мірскі замак, велічны касцёл езуітаў у Гродне, сядзіба Міхаіла Агінскага… І паездка па гэтых прыгожых мясцінах, і камера «А1 Альфа» пакінуць пасля сябе толькі самыя лепшыя ўражанні.

Час аўтаномнай працы

Ёмістасць акумулятара «А1 Альфа» складае 3100 мАг. Акумулятар няздымны. На працягу дня за тэлефон можна быць спакойным — зарада батарэі хапае. З цалкам зараджанай АКБ смартфон захоўвае працаздольнасць да 20−22 гадзін пры актыўным выкарыстанні інтэрнэту, уключаным Wi-Fi і яркасці экрана каля 50%. А ставіць свой смартфон на зарадку ўвечары — цалкам звыклая і зусім няцяжкая для большасці карыстальнікаў працэдура.

Рэзюмэ

Тэлефон робіць прыемнае ўражанне і напэўна знойдзе сваю аўдыторыю. Да асноўных плюсаў смартфона адносіцца зручны і стыльны корпус, працяглы час аўтаномнай працы, добрая камера і досыць вялікі аб’ём убудаванай памяці (64 ГБ). Ёсць у тэлефона і рысы, якія патрабавальныя карыстальнікі могуць аднесці да ліку недахопаў, — напрыклад, «падтармажванні» працэсара пры запуску цяжкіх гульняў. Аднак падобная патрабавальнасць мяжуе з наіўнасцю: не будзем забываць, што гаворка ідзе пра прыладу, якую абаненты А1 могуць набыць адным плацяжом менш чым за 200 рублёў! Пры гэтым таксама існуе варыянт набыцця смартфона ў растэрміноўку да 30 месяцаў са штомесячным плацяжом ад 9,90 рубля ў месяц. І ў гэтым коштавым дыяпазоне канкурэнтаў у «А1 Альфа» няма.

---

Смартфон 2.0. Пяць ідэй, як выкарыстоўваць стары гаджэт у новай якасці