Кіроўца на польскім баку пункта пропуску “Брузгі-Кузніца” каля 15.30 20 ліпеня з’ехаў з праверкі рэнтгенам і знёс плот. Польскія мытнікі прыпынілі працу. Відавочцы мяркуюць, што мужчына быў пад рэчывамі.
UPD.21.07.2026.
Увечары 20 ліпеня з’явілася інфармацыя, што ў пункт пропуску «Кузніца» на польскім боку выклікалі ратавальнікаў-пажарных, якім давялося даставаць аўтамабіль, што застряг у агароджы.
Паведамленне пра інцыдэнт паступіла дзяжурнаму ў Павятовую камендатуру Дзяржаўнай пажарнай службы ў Сакулцы а 16:21 па мясцовым часе. Высветлілася, што на мяжы аўтамабіль урэзаўся ў бар’ер і застряг.
Ратавальнікі выкарысталі гiдраўлiчны інструмент, каб дастаць машыну. Работы працягваліся да 17:07. У выніку здарэння ніхто не пацярпеў, паведамляе польскі партал isokolka.eu.
Падрабязнасцяў пакуль мала. Вядома, што мужчына з’ехаў з праверкі, “вынес” плот і паехаў з ім на выезд. Па паведамленнях відавочцаў, яму “заламалі рукі” і надзелі на яго кайданкі. Невядома, у які бок ён ехаў.
Верагодна, праца прыпыніцца. Сведкі раяць ехаць на іншыя пункты.
UPD 17.00. У прэс-службе польскіх памежнікаў не ведаюць пра інцыдэнт. У пункце пропуску “Кузніца” паведамілі, што не могуць паведамляць такія дадзеныя журналістам і параілі звярнуцца ў прэс-службу. У прэс-службе польскіх мытнікаў не знялі слухаўку.
Каля 17.00 рух аднавіўся.
Чытайце таксама: «Выезд ад палякаў цалкам забіты». Што адбываецца на мяжы перад Вялікаднем
