На Форт №4 у Гродне зробяць праект зоны аховы – ён прызнаны гісторыка-культурнай каштоўнасцю. У яго ўключаць праграму работ па правядзенні першачарговых супрацьаварыйных работ і работ па кансервацыі дадзенага аб’екта з вызначэннем кошту гэтых работ.
Праект скончаць у канцы чэрвеня. Яго робяць для забеспячэння захаванасці і прадухілення пагаршэння стану форта. Пры гэтым не будуць змяняць аблічча, якое дайшло да нас.
Закупкай займаецца Гродзенскі раённы міжгаліновы цэнтр для забеспячэння дзейнасці бюджэтных арганізацый і дзяржаўных органаў.
Форт № 4 – самы вядомы форт Гродзенскай крэпасці. Ён цалкам захаваўся да нашых дзён. Форт быў разлічаны на размяшчэнне гарнізона, які складаецца з пяхоты, артылерыстаў, кулямётчыкаў, Сапёраў у колькасці 271 чалавек. Форт складаецца з бетоннага бруствера па фронце і флангах. Ужо гадоў 10 улады плануюць зладзіць у ім музей крэпасці.
Раней у Гродне распрацоўвалі праект зоны аховы гісторыка-культурнай каштоўнасці – землянога форта № 6.
