Гродзенская абласная навуковая бібліятэка ўпершыню правядзе маштабную культурную падзею — «Бібліяноч-2026: СЗЛ — Супольнасць Знаўцаў Літаратуры». Гасцей чакаюць тэматычныя маршруты, сустрэчы, гульні і незвычайныя лакацыі ў розных будынках бібліятэкі. Мерапрыемства пройдзе 24 красавіка.
Для наведвальнікаў падрыхтуюць чатыры маршруты па лакацыях — аддзелах бібліятэкі. Па вуліцы Ажэшка, 17 абяцаюць «поўнае пагружэнне ў атмасферу XIX стагоддзя» і тэатралізаваную экскурсію па доме Элізы Ажэшка.
У аддзеле мастацтва на вул. Савецкая, 25 будзе выстава калекцый брошак і масак.
У галоўным корпусе бібліятэкі на вул. Карбышава, 17 гасцей чакаюць паэтычныя чытанні і сустрэчы з гродзенцамі: блогеркай Леначкай Лукашык, стылісткай Таццянай Арцыман, візажысткай Наталляй Івановай і іншымі. Таксама можна будзе згуляць у шахматы з 12-гадовай чэмпіёнкай краіны. У праграме — жывая музыка ў выкананні дуэта з Мінска «DO Art duo», які ўпершыню наведае Гродна.
Дзіцячы аддзел на вуліцы Савецкая, 25 будзе працаваць да 22.00. Тут таксама абяцаюць гульнявую праграму і актыўнасці.
Каб патрапіць на мерапрыемствы, трэба набыць білет на бібліятур.
Кошт:
- 20 руб. — для дарослых;
- 10 руб. — для дзяцей да 10 гадоў.
Пачатак у 18.00.
Больш падрабязная інфармацыя па тэлефонах: 71-89-41, 71-89-44.
