Пасля перамогі на ток-шоў “Давай поженимся” гродзенскі прадпрымальнік Алег Тарасенка падзяліўся, як развіваюцца яго адносіны з “нявестай” з Сыктыўкара Анастасіяй. Пара апублікавала рылс у Instagram.
Мяркуючы па роліку, Алег і Анастасія працягнулі зносіны пасля праекту. Маладыя людзі перапісваліся, а пасля – сустрэліся ўжывую. Яшчэ на праграме пара агучыла, што паесць разам дранікаў – так і адбылося, у відэа Анастасія дэгустуе страву.
Пасля Алег арганізаваў дзяўчыне дастаўку яе любімых кветак – піянавідных руж. Анастасія ўзрадавалася – сказала, што букет “мілы”, і падзякавала гродзенцу. Сам Алег у рылсе сумна глядзеў на яе фота.
Пасля гродзенская кандытарка расказала, што ўдзельніца “Давай поженимся” з Расіі замовіла сюрпрыз для Алега Тарасенкі на яго дзень нараджэння. Надпіс на торце абвяшчае “З Днём нараджэння, муж”.
Анастасія таксама прысвяціла ў Instagram некалькі пастоў перадачы “Давай поженимся”. Напрыклад, аб тым, што вядучая Ларыса Гузеева назвала яе “каракаціцай”.
Выпуск «Давай поженимся» з удзелам Алега Тарасенкі выйшаў у эфір у сакавіку 2026. Гродзенец абышоў двух прэтэндэнтаў на ролю «жаніха» – Анастасія абрала менавіта яго. Дзяўчына аддала перавагу Алегу ў тым ліку з-за падабенства іх тэмпераментаў.
Чытайце таксама: Былы муж затрыманай за махлярства блогеркі шукаў новую жонку на «Давай поженимся»
