“Ваўкавыскі мясакамбінат” замаўляе паслугі па лакальным маніторынгу дзевяці свідравін. Яны знаходзяцца ў раёне палёў фільтрацыі, гэта значыць, ачышчальных збудаванняў сцёкавых вод, каля ўрочышча Казіныя Горы Ваўкавыскага раёна.
Што правераць:
- узровень вады,
- тэмпературу,
- pH,
- мінералізацыю вады,
- БПК5, ХПКет (ключавыя паказчыкі забруджвання вады арганічнымі рэчывамі),
- канцэнтрацыю ўзважаных рэчываў, амоній-іёна, азоту агульнага, фосфару агульнага, хлорыдыёна, сульфат-іёна, СПАР (сінтэтычныя павярхоўна актыўныя рэчывы).
Ад мясакамбіната да ачышчальных збудаванняў — крыху больш за кіламетр. Мясакамбінат штодня выкарыстоўвае тысячы літраў вады на 1 кг сваёй выніковай прадукцыі. Сцёкавыя вады мясакамбіната ўтрымліваюць арганічныя прымешкі, а гэта – спрыяльнае асяроддзе для небяспечных мікраарганізмаў і паразітаў. Таму добрая ачыстка вады так важная для здароўя мясцовых жыхароў. Забруджвання правяраюць раз у год у красавіку – траўні. Працы каштуюць 15 000 рублёў.
