Фестываль Gastrofest.Кава пройдзе ў Гродне з 29 студзеня па 15 лютага. У ім удзельнічаюць гарадскія кавярні, якія прапануюць наведвальнікам дэгустацыйныя сэты коштам 13 руб. У Instagram фестывалю ўжо з’явіліся першыя сэты.
Кафэ-кандытарская «Ягода»
Ва ўстанове на Маладзёжнай, 1 пададуць «Мока Баўнці» — напой на аснове эспрэса з какосавым сіропам. На дэсерт – сметанковае суфле «Спячы мішка» на вафельнай дробцы.
Кавярня «Тэмпл»
У «Тэмпл» на Маставой, 31 гатуюць гарбузовы латэ з тапіёкай. Сэт дапоўняць пірожным у выглядзе мандарына. У начынні – ванільны ганаш, белы шакалад і мандарынавы канфі.
Кафэ «Место вкусных разговоров»
Установа знаходзіцца на Савецкай, 10. У сэт уключылі шакаладна-малінавы латэ з сублімаванымі ягадамі, а ў якасці дэсерту — шакаладна-малінавае пірожнае.
Кавярня Lcoffee
У кавярні на Дамініканскай, 3 зробяць шакаладны мока з дабаўленнем узбітых вяршкоў. Сэт дапоўняць тарталеткай з цытрынавай карамеллю, бісквітам і мусам.
Кавярня Deli
У кавярні на Ажэшкі, 33 наведвальнікам прапануюць шакаладна-апельсінавую каву. На дэсерт – мус з глінтвейнам і малінай.
Кафэ-кандытарская Сup&Cake
Установа знаходзіцца на вуліцы 1 Мая, 21. Там будуць падаваць вішнёвы макачына, шакаладны бісквіт з вішнёвым начыннем і пясочнае печыва з крэмам.
Кафэ «У Груши»
Кафэ на Урыцкага, 26 падрыхтавала сэт з кавай «Па-хатняму» — туды будуць дадаваць згушчонку і вяршкі, а таксама дэсерт «Смак дзяцінства».
Кавярня Doppio
У кавярні на Замкавай, 12а гасцям пададуць амерыкана з вішнёва-какосавай пенай і вішнёвы пірог, дапоўнены шарыкам хатняга сырнага марожанага.
Кавярня-бар “Арка”
Кавярня знаходзіцца на Віленскай, 6. У складзе сэта — латэ «Ірыска» і браўні з малочным шакаладам і салёнай карамеллю.
Чытайце таксама: У Гродне пройдзе фестываль Gastrofest.Кава. Сэты крыху падаражэлі
