Студыя аўтапартрэта з адмысловым люстэркам адкрылася ў Гродне. У горадзе ўжо ёсць дзве студыі з такім жа функцыяналам, але там для гэтага вылучаныя асобныя залы. А тут — уся фотастудыя зробленая пад адну канцэпцыю.
«Ніякіх абмежаваньняў і межаў. Толькі ты, люстэрка з камерай і пульт», — пішуць стваральнікі.
Для студыі купілі люстэрка з функцыяй здымкі. За ім схаваная камера, якая робіць кадр, калі кліент націскае кнопку на пульце. Гэта значыць, чалавек глядзіць у люстэрка на сябе і здымае.
Студыя адкрылася па адрасе Кірава, 3. Запіс — у дырэкт Instagram. Адна гадзіна каштуе 90−110 рублёў. За гэты час можна зрабіць 300 здымкаў. Усе кадры адпраўляюць хмарнай спасылкай — дзень у дзень.
Чытайце таксама: Топ-5 месцаў для крутых фота ў Гродне
