Дзень горада ў Гродне адзначаць 5 і 6 верасня. У праграме — адкрыццё новай пліты на “Алеі кіно” і некалькі фестываляў: сыру, кветак і ліхтарыкаў. Хэдлайнер святочнага канцэрта — расійская выканаўца Марыя Краймбрэры.
5 верасня
Святкаванне дня горада пачнуць з ускладання кветак да брацкай магілы ў парку Жылібера. У гэты ж дзень на “Алеі кіно” адкрыюць новую пліту. Увечары ў Швейцарскай даліне пройдзе фестываль ліхтарыкаў.
6 верасня
Асноўныя мерапрыемствы пройдуць на плошчы Леніна. Дзень пачнуць з “Сырнага фестывалю”. На вуліцы Дзяржынскага правядуць фестываль кветак. На Нёмане будзе шоу ад флайбардыстаў – спартсменаў, якія на спецыяльнай дошцы паднімаюцца над вадой.
Дзень горада завершаць святочным канцэртам. Хэдлайнер — расійская спявачка ўкраінскага паходжання Марыя Краймбрэры. Сярод найбольш вядомых песень Марыі: “Падабаецца жыць”, “Сталася восень”, “Мне так пашанцавала” і “Мне так добра”.
Чытайце таксама: У Гродне пройдзе фестываль сыра: якая праграма і хто выступіць на сцэне?
