Сядзіба Сегеняў у вёсцы Краскі Ваўкавыскага раёна знаходзіцца на рэстаўрацыі, але з ліпеня 2025 прымае наведвальнікаў. Плануецца, што асабняк зарэгіструюць у рэестры як аграсядзібу, а ў самім будынку з’явіцца канферэнц-зала і рэстаран.
Наведаць сядзібу можна з 12 да 17 у буднія і з 10 да 17 у выходныя дні. Білет каштуе 5 руб. Патрапіць унутр сядзібы пакуль не атрымаецца, але наведвальнікам дазваляюць шпацыраваць па прылеглай тэрыторыі.
Ад сядзібы да ЛПП: гісторыя сядзібы Сегеняў
Драўляны асабняк у неагатычным стылі пабудаваў у сярэдзіне XIX стагоддзя род ваўкавыскіх памешчыкаў Сегеняў. У 1905 да дома прыбудавалі вежу з флюгерам.
У савецкую эпоху палац ператварылі ў санаторый для дзяцей, а ў 80-я гады — у ЛПП. Пасля здабыцця Беларуссю незалежнасці ўладальніка ў маёнтка не было — ён паступова разбураўся.
У 2010 за амаль $ 100 тыс. сядзібу Сегеняў выкупіў расійскі бізнесмен Вадзім Селіхаў. Пры ім пачалася рэстаўрацыя. Падмурак і апорныя бэлькі сядзібы ўзмацнілі, часткова абнавілі фасад, планавалі правесці цэнтральную каналізацыю і электрычнае ацяпленне.
Згодна з праектам, рэстаўрацыю павінны завяршыць да 2030 года. Уладальнікі сядзібы плануюць адкрыць рэстаран і канферэнц-залу на 100−120 чалавек.
Чытайце таксама: На скляпеннях храма ў Мураванцы з’явіліся расколіны: прыход шукае спонсараў для прац
