Беларускі адправіліся даследаваць «Калодзежны роў», які знаходзіцца паміж Гроднам і мястэчкам Прыгодзічы. Пра яго, як адзначаюць дзяўчыны, ведаюць нават не ўсе карэнныя гродзенцы. Яны прайшліся па сцежках, якія не адзначаны на картах. Сваімі ўражаннямі яны падзяліліся ў TikTok.
Калодзежны роў — геалагічны помнік прыроды рэспубліканскага значэння з 1963 года. Гэта геалагічнае агаленне — выхад на зямлю горных парод у непашкоджаным выглядзе, што робіць яго каштоўным аб’ектам даследаванняў.
Там можна ўбачыць адклады, якія ўтварыліся каля 500 тыс. гадоў таму. У рова ёсць свой мікраклімат і невялікія «скалы» — камяні і валуны, якія зацэментаваліся пад дзеяннем ледніка. Даўжыня рова — 1,5 км, глыбіня ў вусці дасягае 30 метраў. У пластах навукоўцы выявілі флору і фауну старажытных эпох.
Беларускі адправіліся па сцежках рова наўздагад. Як адзначае ў відэа карыстальніца пад нікам katrine4622, дарожкі рова не адзначаны на картах.
«У мяне ўсе ногі падрапаныя ўжо. Пракладаем новы маршрут, мне здаецца, па гэтай сцяжынцы ніхто яшчэ не хадзіў. Каб вы ведалі, яе няма ні на адной мапе, а гэтага маршруту — ні ў адным даведніку», — каментуе беларуска.
Спачатку дзяўчыны прайшліся ўздоўж лясной часткі рова. Аказалася, што яго цяжка прайсці ўжо ў межах горада. Затым спусціліся да вады — яна аказалася вельмі халоднай да болю ў нагах. У каментарах да відэа дзяўчына адзначыла, што ў калодзежным рове аказалася шмат кляшчоў.
Чытайце таксама: «Гэта наогул законна?» Блогер з Гродна «паехаў» ва Уладзівасток, не пакідаючы хутар
