Выстава, прысвечаная Нёману, адкрылася 17 ліпеня ў Гродзенскай абласной бібліятэцы. У экспазіцыю ўвайшло больш за 400 экспанатаў.
На выставе прадстаўлены здымкі Гродна мінулых стагоддзяў – па іх можна ўбачыць, як мяняўся горад і берагі ракі. Таксама пакажуць фатаграфіі пляжнага адпачынку гродзенцаў.
Увайшлі ў экспазіцыю старажытныя кнігі, прадукцыя прадпрыемстваў з маркай “Нёман” (шклозавод, абутковая фабрыка, спортклубы і санаторыі). Ёсць і экспанаты часоў СССР: вазы, духі, абутак і часопісы “Нёман”.
Асобны блок у выставе займае гісторыя авіяпалка “Нармандыя-Нёман”, які ваяваў у Другой сусветнай вайне.
Выстава праходзіць у абласной бібліятэцы Карскага на вул. Карбышава, 17. Экспазіцыя будзе працаваць да 20 кастрычніка.
Чытайце таксама: «Свята мора» пройдзе на Аўгустоўскім канале. Што ў праграме?
