Прадаецца «Гарадзенская кавярня» на Маркса. Уладальнікі пераязджаюць

Уладальнікі «Гарадзенскай кавярні», якая знаходзіцца на вуліцы Маркса, 5, прадаюць установу і з’язджаюць з Гродна. Аб’ява аб продажы гатовага бізнэсу з’явілася на «Куфары».

Кавярня ў цэнтры Гродна абыдзецца ў $ 15,5 тыс.

У кавярні 24 пасадачныя месцы, установу прадаюць разам з абсталяваннем. Па словах уладальнікаў, бізнэс падыдзе «маладым парам, якія хочуць зарабіць».

За кавярню просяць 51 тыс. руб. ($ 15,5 тыс.). У аб’яве адзначаецца, што бізнэс прадаюць з-за пераезду ўладальнікаў у іншы горад.

Прадавец «Гарадзенскай кавярні» таксама апублікаваў аб’яву аб продажы трохпакаёвай кватэры на Дзяржынскага. Верагодна, уладальнікі кавярні сапраўды рыхтуюцца да пераезду.

Гэта ўжо не першая спроба прадаць «Гарадзенскую кавярню» — першая такая аб’ява з’явілася на «Куфары» некалькі месяцаў таму.

Адны наведвальнікі скардзяцца на пыл, іншыя хваляць барыста: кавярня праз сем гадоў пасля адкрыцця

«Гарадзенская кавярня» адкрылася у гістарычным цэнтры Гродна ў красавіку 2018 года. Установа знаходзіцца насупраць Фарнага касцёла, а ўладальнікі патрацілі паўгода, каб падрыхтаваць памяшканне. Кавярня аздоблена дрэвам і італьянскай пліткай, у якасці дэкору — спыненныя гадзіннікі на сценах. Па задумцы ўладальнікаў, гродзенцы павінны забываць аб часе, знаходзячыся ў кафэ.

Нягледзячы на ​​пошукі новых уладальнікаў, установа працягвае функцыянаваць. Мяркуючы па водгуках у «Яндекс Картах», якасць сэрвісу ў кавярні знізілася — наведвальнікі скардзяцца на пыл і доўгае чаканне замовы.

«Першае — гэта пыл, проста жах, ён усюды, як быццам тут не прыбіраюць наогул. Другое гэта супрацоўніцы, стаяць і смяюцца на ўсю ўстанову, абмяркоўваючы начальства і тое хочуць звольніцца…», — піша Віола.

«З плюсаў толькі прыгожы інтэр'ер. Кава была горкая і піць немагчыма, ва ўстанове быў пыл і гэта кашмар!» — адзначае Юля.

«Замовілі 4 кавы, чакалі 20 хвілін, хоць загружанасць нізкая», — скардзіцца Арсень.

Тым не менш вясной 2025 года наведвальнікі пакідалі і станоўчыя водгукі. Напрыклад, Міхаілу спадабалася абстаноўка, якаснае абслугоўванне і музыка.

Ірына адзначыла «душэўную падачу, наймілейшага барыста», а таксама наяўнасць настольных гульняў і кніг у кавярні.

Чытайце таксама: У цэнтры Гродна прадаюць атмасферную кавярню — у камплекце ідзе кавамашына за $ 18 000